Vikram Vedha: हैवान बनून पडद्यावर अवतरला हृतिक रोशन; लूक पाहून चाहतेही गपगार
Vikram Vedha Release Date: हृतिक रोशन आणि सैफ अली खान स्टारर 'विक्रम वेधा'चा टीझर बुधवारी प्रदर्शित झाला. आता हृतिकच्या लूकला जबरदस्त प्रतिसाद मिळत आहे.
बॉलिवूड अभिनेता हृतिक रोशन आणि सैफ अली खान यांच्या 'विक्रम वेधा' या चित्रपटाचा टीझर नुकताच प्रदर्शित झाला. पुष्कर आणि गायत्री दिग्दर्शित या चित्रपटाची चाहते खूप दिवसांपासून वाट पाहत आहेत आणि या टीझरने प्रेक्षकांची उत्सुकता अनेक पटींनी वाढवली आहे. सैफ आणि हृतिक दोघेही कथेत नकारात्मक भूमिका करत आहेत पण हृतिक रोशनचा लूक जास्त भीतीदायक आहे.
टीझरमध्ये हृतिक रोशनची पहिली झलक
टीझरची सुरुवात एका सीनने होते ज्यात सैफ आणि हृतिक एका चौकशीच्या खोलीत बसून बोलत असल्याचे दाखवले आहे. दोघेही एकमेकांसमोर बसलेले आहेत आणि इथेच टिझरमधून हृतिकची पहिली झलक पाहायला मिळते. वाढलेली दाढी आणि लांब केस यामुळे हृतिक जास्त धोकादायक दिसतोय.
डोक्यावर बंदूक पण चेहऱ्यावर गुढ हसू
हृतिकचा आणखी एक किलर लूक टीझरमध्ये दिसत आहे ज्यामध्ये सैफ हृतिकला एका कारखान्यासारख्या ठिकाणी बंदुकीच्या जोरावर घेऊन जातो. हृतिकच्या कपाळावर बंदूक आहे आणि तो सैफकडे पाहून खूप गुढ हसत आहे. हृतिकच्या मोठ्या डोळ्यांमध्ये क्रूरता स्पष्टपणे दिसून येते.
डोक्यातून रक्त पण चेहऱ्यावर स्वॅग
टीझर व्हिडीओमध्ये हृतिकचा तिसरा डेडली लूक दिसतो, जेव्हा तो एका गर्दीच्या ठिकाणी उभा असताना दिसतो. त्यांच्या पाठीमागे मोठा जमाव आहे आणि हातात काठी घेऊन ऋतिक स्वॅगमध्ये काळा चष्मा घालून निघून जातो. त्याच्या डोक्यातून वाहणारे रक्त हे लूक आणखी खास बनवतं. त्याचप्रमाणे, टीझरमध्ये असे अनेक क्षण आहेत जेव्हा पडद्यावर हृतिकच्या डोळ्यात क्रूरता दिसते. हृतिक नकारात्मक भूमिकेत इतका भयानक दिसण्याची कदाचित ही पहिलीच वेळ आहे.
विभाग