Mutual funds : म्युच्युअल फंडातील ‘या’ कॅटेगरीत गुंतवणूकदार करतात अधिक गुंतवणूक, जाणून घ्या

Mutual funds : म्युच्युअल फंड गुंतवणूकीत प्रचंड वाढ दिसून येत आहे. अॅम्फीने फेब्रुवारीमध्ये शेअर केलेल्या आकडेवारीनुसार, भारतीय म्युच्युअल फंड उद्योगाची एकूण एयूएम ३९.४६ लाख कोटी रुपये होती. फेब्रुवारी २०१३ मध्ये हा आकडा फक्त ८.१४ लाख कोटी रुपये होता. १० वर्षात त्यात तब्बल पाच पट वाढ झाली आहे. हा प्रश्न तुमच्या मनात नक्कीच निर्माण होत असेल की म्युच्युअल फंडात इतकी गुंतवणूक येत असेल तर कोणत्या सेगमेंटमध्ये किती पैसे जमा होत आहेत. गुंतवणूकदारांनी कोणत्या श्रेणीतील फंडांवर सर्वाधिक विश्वास ठेवला आहे?

लार्ज कॅप, मिडकॅप बद्दलची ही माहिती वाचून मिळेल तुम्हाला दुप्पट परतावा

इक्विटीमध्ये सर्वाधिक गुंतवणूक

व्हॅल्यू रिसर्चच्या अहवालानुसार, म्युच्युअल फंड गुंतवणूकदार इक्विटी आधारित योजनांमध्ये जास्तीत जास्त गुंतवणूक करत आहेत. फेब्रुवारी २०२३ च्या डेटावर आधारित, एकूण चलनापैकी ७६ टक्के रक्कम इक्विटी फंडांमध्ये गुंतवली गेली. यानंतर डेट फंडांमध्ये १२ टक्के गुंतवणूकदारांनी कर्ज आधारित योजनांमध्ये गुंतवणूक केली.

Facebook : तुम्हाला माहित आहे का ? फेसबूकवरुन 'बर्थ डे' रिमांईंडर बंद करता येतो, अशी आहे प्रोसेस

लिक्विड फंडात सर्वात कमी गुंतवणूक

इक्विटी आणि डेट नंतर ईटीएफ आणि फंड ऑफ फंड म्हणजेच एफओएफचा क्रमांक येतो. ५ टक्के गुंतवणूकदारांनी या श्रेणीत गुंतवणूक केली. ४ टक्के गुंतवणूकदारांनी बॅलन्स्ड फंडात गुंतवणूक केली. ३ टक्के गुंतवणूकदारांनी कमीत कमी लिक्विड आणि मनी मार्केटमध्ये गुंतवणूक केली आहे.

गुंतवणूकदारांमध्ये म्युच्युअल फंडाची क्रेझ

आयसीआयसीआय सिक्युरिटीजच्या संशोधन अहवालानुसार, आर्थिक वर्ष २०१९ आणि आर्थिक वर्ष २०२२ दरम्यान घरगुती बचतीमध्ये म्युच्युअल फंड गुंतवणुकीचा वाटा २.४ टक्क्यांवरून ६ टक्क्यांपर्यंत वाढला आहे. फेब्रुवारी २०२० मध्ये, म्युच्युअल फंड उद्योगाची एयूएम २२.२० लाख कोटी होती. ते पाच वर्षांत दुप्पट होऊन सुमारे ४० लाख कोटी रुपये झाले.