MS Dhoni Film : धोनीच्या चित्रपटाचा फर्स्ट लुक आला समोर, 'या' सुंदरीसोबत होणार डेब्यू

भारताचा सर्वात यशस्वी कर्णधार एमएस धोनी सध्या आयपीएलच्या तयारीत व्यस्त आहे. त्याने चेन्नई सुपर किंग्जला चॅम्पियन बनवण्याची तयारी सुरु केली आहे. हे त्याचे शेवटचे आयपीएल असू शकते असेही मानले जात आहे. आयपीएलला अलविदा करण्यापूर्वीच धोनीने चित्रपट निर्मितीत पाऊल टाकले आहे. धोनी एंटरटेनमेंट प्रोडक्शनच्या पहिल्या चित्रपटाचे मोशन पोस्टर शुक्रवारी प्रदर्शित झाले.

लेट्स गेट मॅरीड (Let’s Get Married) असे या चित्रपटाचे नाव आहे. या तमिळ चित्रपटात साऊथचे स्टार्स दिसणार आहेत. धोनीच्या या ड्रीम प्रोजेक्टची मुख्य अभिनेत्री इव्हाना असेल. सोबतच हरीश कल्याण देखील मुख्य भूमिकेत दिसणार आहे. चित्रपटाचे दिग्दर्शक रमेश थमिलमणी असतील. रमेश यांचा हा पहिलाच चित्रपट आहे. धोनीने अत्यंत कमी बजेटमध्ये पदार्पण केले आहे. म्हणजेच हा चित्रपट अत्यंत कमी बजेटमध्ये बनवण्यात आला आहे.

थमिलमनी यांच्या मते, चित्रपटाची संकल्पना धोनीची पत्नी साक्षी धोनीची आहे. धोनी एंटरटेनमेंट कंपनी जानेवारी २०१९ मध्ये सुरू झाली आणि त्याच्या प्रोडक्शन हाऊसने आतापर्यंत ३ लघुपट बनवले आहेत.

धोनीचा सराव सुरू

साक्षी चित्रपटात व्यस्त आहे, तर एमएस धोनी आयपीएलच्या तयारीत व्यस्त आहे. त्याने नेट प्रॅक्टिसही सुरू केली आहे. २६ जानेवारीच्या दिवशी तो टीम इंडियाला भेटण्यासाठी रांचीच्या स्टेडियममध्ये पोहोचला होता.