Recruitment: एम्समध्ये ६९ प्राध्यापक पदांसाठी भरती सुरू; जाणून घ्या अर्ज करण्याची शेवटची तारीख

अखिल भारतीय आयुर्विज्ञान संस्था म्हणजेच एम्समध्ये (बिलासपूर) प्राध्यापक पदांसाठी अर्ज मागविण्यात येत आहेत. अर्ज प्रक्रिया सुरू झाली आहे. अर्ज भरण्याची अंतिम तारीख २३ फेब्रुवारी २०२३ आहे. मात्र, अर्जाची हार्ड कॉपी जमा करण्याची शेवटची तारीख २७ फेब्रुवारी आहे. उमेदवार aiimsbilaspur.edu.in येथे एम्स बिलासपूरच्या अधिकृत वेबसाइटवरून ऑनलाइन अर्ज करू शकतात.

या भरतीअंतर्गत प्राध्यापक पदांच्या एकूण ६९ जागा भरल्या जाणार आहेत.  त्यापैकी २४ रिक्त जागा प्रोफेसर पदांसाठी, १४ रिक्त जागा अतिरिक्त प्राध्यापक पदांसाठी, १४ रिक्त जागा सहयोगी प्राध्यापक पदांसाठी आणि १७ रिक्त जागा सहाय्यक प्राध्यापक पदांसाठी आहेत.

अर्ज शुल्क:

एससी/एसटी प्रवर्गासाठी अर्ज शुल्क १०० रुपये आहे. इतर सर्व प्रवर्गांसाठी अर्ज शुल्क २००० रुपये आहे. अर्ज शुल्क एनईएफटीद्वारे खालील बँक खात्यात भरावे लागेल

बँक स्टेट बँक ऑफ, बिलासपूर

खातेदाराचे नाव विविध खाते, 

अखिल भारतीय आयुर्विज्ञान संस्था, बिलासपूर

बँक खाते क्रमांक- ४१५१२७२७६०९

आयएफएससी कोड-  SBIN0063972

उमेदवारांना शेवटच्या तारखेपूर्वी म्हणजेच २७ फेब्रुवारी २०२४ पूर्वी एम्स बिलासपूर येथे ऑफलाइन अर्ज (हार्ड कॉपी) पाठवावा लागेल. त्यानंतर प्राप्त झालेले अर्ज अपात्र ठरविण्यात येतील. अधिक माहितीसाठी उमेदवारांनी https://www.aiimsbilaspur.edu.in/recruitment या अधिकृत वेबसाइटला भेट द्यावी.