PPF : पीपीएफ गुंतवणूकदारांना झटका, सलग दुसऱ्या तिमाहीत व्याजदर वाढ नाहीच !

PPF : केंद्र सरकारने छोट्या बचत योजनांवरील गुंतवणूकदारांसाठी व्याजदरात वाढ करण्याची घोषणा केली आहे. एप्रिल-जून २०२३ या तिमाहीसाठी सरकारने ७० बेसिस पॉइंट्सची वाढ केली ​​आहे. सर्व प्रकारच्या पोस्ट ऑफिस स्कीम, डिपॉझिट स्कीमवर व्याजदरात वाढ करण्यात आली आहे, मात्र सरकारने सलग दुसऱ्यांदा पीपीएफ (पब्लिक प्रॉव्हिडंट फंड इंटरेस्ट रेट) योजनेच्या गुंतवणूकदारांकडे पाठ फिरवली आहे. जूनच्या तिमाहीतही पीपीएफवरील व्याजदरात वाढ करण्यात आलेली नाही.

१२ बचत योजनांमध्ये १० टक्के व्याजदर

अर्थ मंत्रालय लहान बचत योजना आणि पोस्ट ऑफिस योजनांचे दर तीन महिन्यांनी पुनरावलोकन करून व्याजदर वाढवते. ३१ मार्च २०२३ रोजी व्याजदरात वाढ केल्याची घोषणा करून अर्थ मंत्रालयाने लहान बचत योजनांच्या १२ बचत योजनांपैकी १० बचत योजनांचे व्याजदर वाढवले ​​आहेत. पोस्ट ऑफिसच्या सर्व योजनांवरील व्याजदरातही वाढ करण्यात आली आहे.

PPF Account Update : तुमचं पीपीएफ अकाऊंट होऊ शकतं बंद; त्यासाठी या गोष्टींची घ्या काळजी

पीपीएफच्या दरात वाढ नाही

गुंतवणूकदारांसाठी सर्वाधिक आकर्षक असलेल्या पीपीएफ बचत योजनेवरील व्याजदरात अर्थ मंत्रालयाने वाढ केलेली नाही. जून तिमाहीसाठी सार्वजनिक भविष्य निर्वाह निधीच्या व्याजदरात कोणताही बदल झालेला नाही. गेल्या वेळी जानेवारीच्या तिमाहीतही वित्त मंत्रालयाने पीपीएफ योजनेवरील व्याजदरात वाढ केली नव्हती. सध्या पीपीएफचा व्याजदर ७.१ टक्के आहे.

बचत ठेव योजनेवर सर्वात कमी व्याज दर

१२ बचत योजनांमध्ये पीपीएफ (पब्लिक प्रॉव्हिडंट फंड) व्यतिरिक्त अर्थ मंत्रालयाने बचत ठेव योजनेच्या व्याजदरातही वाढ केलेली नाही. सध्या सरकार बचत ठेव योजनेवर ४ टक्के व्याजदर देत आहे. लघु बचत योजनेच्या सर्व १२ योजनांमध्ये सर्वात कमी व्याजदर फक्त ४% बचत ठेवीवर आहे.