PM kisan FPO Scheme : कृषी आधारित व्यवसायासाठी केंद्र सरकार देणार १८ लाखांचे अनुदान !

‘पीएम शेतकरी एफपीओ योजना’ च्या अंतर्गत केंद्र सरकार शेतकरी व शेती संबंधित व्यवसाय सुरू करण्यासाठी १८ लाखांचे आर्थिक अनुदान उपलब्ध करते.

दरम्यान या योजनेचा लाभ घेण्यासाठी शेतकरी उत्पादक संघटना बनवणे व त्यामध्ये सामील होणे आवश्यक आहे. या संघटनेत कमीत कमी ११ शेतकऱ्यांचा समावेश असणे आवश्यक आहे.

पीएम एफपीओ योजनेच्या अंतर्गत शेतकऱ्यांना अनेक प्रकारचे फायदे मिळतात. शेतकऱ्यांना आपल्या शेतीमालासाठी बाजारपेठ उपलब्ध करून दिली जाते.

या योजनेच्या माध्यमातून शेतकरी खते, बियाणे, केमिकल आणि कृषि यंत्र यासारखे आवश्यक कृषी साधने स्वस्त दरात खरेदी करू शकतात.

याबरोबरच शेतकरी कमी व्याज दराने बँकेतून कर्जही मिळवू शकतात. या योजनेचा लाभ घेण्यासाठी शेतकरी भारत सरकारच्या राष्ट्रीय कृषी बाजाराच्या अधिकृत वेबसाइट (enam.gov.in) वर जाऊन अर्ज करू शकतात.