OTT Release: ॲक्शन अन् थ्रिलर; ‘या’ आठवड्यात ओटीटीवर काय पाहायला मिळणार? संपूर्ण यादी बघाच...
OTT Release this week: सध्या सगळीकडेच उष्णता वाढत आहे. अशा परिस्थितीत तुम्हालाही बाहेर पडून सिनेमागृहात जावंसं वाटत नसेल, तर हरकत नाही. घरात बसूनही तुम्ही चित्रपटांचा आनंद घेऊ शकता.
(1 / 5)
सध्या सगळीकडेच उष्णता वाढत आहे. अशा परिस्थितीत तुम्हालाही बाहेर पडून सिनेमागृहात जावंसं वाटत नसेल, तर हरकत नाही. घरात बसूनही तुम्ही चित्रपटांचा आनंद घेऊ शकता. होय! या आठवड्यात अनेक चित्रपट आणि वेब सीरिज ओटीटीवर प्रदर्शित होणार आहेत. आणि तुमच्या सोयीसाठी आम्ही या चित्रपट/वेब सीरिजच्या नावांची यादी, त्यांची रिलीज डेट आणि त्या कोणत्या ओटीटी प्लॅटफॉर्म रिलीज होणार, याची यादी घेऊन आलो आहोत. जर, तुम्हाला घरी बसून मनोरंजनाचा आनंद घ्यायचा असेल, तर ही यादी तुमच्यासाठी उपयुक्त ठरू शकते.
(2 / 5)
स्ट्रॅटेजी: बालाकोट अँड बियॉन्ड : जिमी शेरगिल, आशुतोष राणा आणि लारा दत्ता यांची ॲक्शन थ्रिलर वेब सीरिज 'स्ट्रॅटेजी: बालाकोट अँड बियॉन्ड' या आठवड्यात ओटीटीवर रिलीज होणार आहे. ही सीरिज २०१९ मधील बालाकोट हवाई हल्ल्यावर आधारित आहे. ही वेब सीरिज तुम्ही २४ एप्रिलनंतर जिओ सिनेमावर पाहू शकता.
(3 / 5)
क्रॅक: अर्जुन रामपाल आणि विद्युत जामवाल यांचा ॲक्शन थ्रिलर चित्रपट 'क्रॅक' देखील या आठवड्यात ओटीटीवर धडकणार आहे. हा चित्रपट मुंबईस्थित स्टंटमॅनवर आधारित आहे, जो त्याचा भाऊ बेपत्ता झाल्यानंतर सत्य शोधण्यासाठी धोकादायक स्पर्धेत भाग घेतो. हा चित्रपट 26 एप्रिलपासून डिस्ने प्लस हॉटस्टारवर प्रदर्शित होणार आहे.
(4 / 5)
दिल दोस्ती डिलेमा: अंदलीब वाजिद यांच्या 'अस्मारा समर' या कादंबरीवर आधारित 'दिल दोस्ती डिलेमा' हा शो २५ एप्रिल रोजी ॲमेझॉन प्राईम व्हिडीओवर प्रदर्शित होणार आहे. शाळा बंद झाल्यानंतर अस्माराचे पालक तिला तिच्या आजी-आजोबांच्या घरी पाठवतात, असे या शोमध्ये दाखवण्यात आले आहे. तथापि, तिची सामाजिक प्रतिमा सुधारण्यासाठी, अस्मारा शाळेत सगळ्यांना सांगते की, ती कॅनडाला जात आहे. अस्मारा तिच्या आयुष्यात आनंदी आहे, पण एके दिवशी तिचे आजी आजोबा तिला शेजारच्या घरी जाण्याची शिक्षा देतात. आता ही शिक्षा आणि आपला खोटेपणा यामध्ये अस्मारा कशी अडकते, हे जाणून घेण्यासाठी तुम्हाला ही वेब सीरिज पाहावी लागेल.
(5 / 5)
भीमा: 'भीमा' हा फँटसी ॲक्शन ड्रामा चित्रपट २६ एप्रिलला डिस्ने प्लस हॉटस्टारवर प्रदर्शित होत आहे. त्याची कथा एका छोट्या शहरातील मंदिरात घडणाऱ्या रहस्यमय घटनांच्या तपासाभोवती फिरते आणि यातून अनेक धक्कादायक रहस्ये समोर येतात. या चित्रपटात गोपीचंद, प्रिया भवानी शंकर आणि मालविका शर्मा मुख्य भूमिकेत आहेत.
इतर गॅलरीज