IPL 2024 Points Table : गुणतालिकेत खतरनाक बदल, हैदराबाद टॉप ४ मध्ये, तर मुंबईची सर्वात वाईट अवस्था
IPL 2024 Points Table : गुणतालिकेत खतरनाक बदल, हैदराबाद टॉप ४ मध्ये, तर मुंबईची सर्वात वाईट अवस्था
Mar 28, 2024 01:41 PM IST
IPL 2024 Points Table: आयपीएलमध्ये (२७ मार्च) मुंबई आणि हैदराबाद यांच्यातील सामन्यानंतर गुणतालिकेत मोठा बदल झाला आहे. चेन्नई सुपर किंग्ज पहिल्या क्रमांकावर आहे, तर सनरायझर्स हैदराबाद संघाने मोठी झेप घेतली आहे. तर सलग दोन पराभवांनंतर हार्दिक पांड्याच्या मुंबई इंडियन्सची अवस्था अत्यंत वाईट आहे.
(1 / 6)
हैदराबाद सनरायझर्स आणि मुंबई इंडियन्स यांच्यातील सामना हैदराबादेत खेळला गेला. या सामन्यात हैदराबादने प्रथम फलंदाजी करताना आयपीएलच्या इतिहासातील सर्वात मोठी धावसंख्या उभारली. त्यांनी २० षटकात २७७ धावा ठोकल्या. प्रत्युत्तरात मुंबईला २० षटकात २४६ धावाच करता आल्या.(AFP)
(2 / 6)
मुंबईचा असा धुव्वा उडवल्यानंतर सनरायझर्स हैदराबादचा संघ गुणतालिकेत टॉप ४ मध्ये आला आहे. तर मुंबईच्या संघाची मोठी घसरण झाली आहे.(PTI)
(3 / 6)
CSK पहिल्या तर, राजस्थान दुसऱ्या स्थानावर- ऋतुराज गायकवाडच्या नेतृत्वाखालील CSK पहिल्या क्रमांकावर आहे. संघाने आतापर्यंत खेळलेले दोन्ही सामने जिंकले आहेत. नेट रन रेटही खूप चांगला आहे. तर, संजू सॅमसनच्या नेतृत्वाखालील राजस्थान रॉयल्स संघाने दुसऱ्या स्थानावर आपली पकड कायम ठेवली आहे. राजस्थान रॉयल्सने एक सामना खेळला आणि तो जिंकला आहे. संघाचे सध्या २ गुण आहेत. (CSK-X)
(4 / 6)
पॅट कमिन्सच्या नेतृत्वाखाली सनरायझर्स हैदराबादने मोठी झेप घेतली आहे. संघ आता तिसऱ्या स्थानावर पोहोचला आहे. SRH ने दोन सामने खेळले आहेत आणि एक जिंकला आहे आणि एक हरला आहे. त्यांचे दोन सामन्यांतून दोन गुण आहेत.(ANI)
(5 / 6)
सध्या ६ संघांचे प्रत्येकी २ गुण - सध्याच्या पॉइंट टेबलवर नजर टाकली तर ६ संघांचे प्रत्येकी दोन गुण आहेत परंतु चांगल्या नेट रनरेटच्या आधारे राजस्थान दुसऱ्या स्थानावर आहे आणि हैदराबाद तिसऱ्या स्थानावर आहे. श्रेयस अय्यरची कोलकाता नाईट रायडर्स चौथ्या क्रमांकावर आहे. पंजाब किंग्जचेही २ गुण असून, संघ पाचव्या क्रमांकावर आहे. आरसीबीही दोन गुणांसह सहाव्या क्रमांकावर असून गुजरात टायटन्स दोन गुणांसह सातव्या स्थानावर आहे.(AFP)
(6 / 6)
मुंबई इंडियन्सची थेट नवव्या स्थानावर घसरण- सनरायझर्स हैदराबादविरुद्ध मोठा पराभव झाल्यानंतर मुंबई इंडियन्सची मोठी घसरण झाली आहे. ते थेट नवव्या स्थानावर गेले आहेत. मुंबईने अद्याप एकही सामना जिंकलेला नाही. (ANI)
(7 / 6)
दिल्ली कॅपिटल्सनेही आपले विजयाचे खाते उघडले नाही, त्यामुळे संघ आठव्या क्रमांकावर आहे. मुंबई इंडियन्सने दोन सामने खेळले असून एकही सामना जिंकलेला नाही. तसेच नेट रन रेट देखील खूप खराब आहे. संघ सध्या नवव्या स्थानावर संघर्ष करत आहे. एलएसजी संघ दहाव्या स्थानावर आहे. या संघाने एक सामना खेळला असून तो गमावला आहे.(PTI)
इतर गॅलरीज