TikTok Fires India Employees: टिकटॉकने सर्व भारतीय कर्मचाऱ्यांना कामावरुन काढले, सांगितले 'हे' कारण

TikTok: आर्थिक मंदीच्या पार्श्‍वभूमीवर दिग्गज कंपनीने नोकर कपात सुरू केली आहे. गूगल, फेसबूक, इन्स्टाग्राम,अॅमेझॉन, मायक्रोसॉफ्ट, सॅप, डिज्नी कंपनीने नोकर कपात केल्यानंतर आता शॉर्ट व्हिडिओ अॅप टीकटॉकने सर्व भारतीय कर्मचाऱ्यांना कामावरून काढून टाकले आहे. टिकटॉक कंपनी भारतातील संपूर्ण टीम बरखास्त करण्याचा निर्णय घेतला असून ४० कर्मचाऱ्यांना नारळ दिला. कर्मचाऱ्यांना ९ महिन्यांचा पगार दिला जाणार आहेत. २८ फेब्रुवारी कर्मचाऱ्यांचा कामाचा शेवटचा दिवस असेल.

भार सरकारने २०२० मध्ये सुरक्षेच्या कारणास्तव चीनी अॅपवर बंदी घातली होती. टिकटॉकसारखे अॅप देशाच्या सुरक्षेसाठी धोक्याचे होते. त्यामुळे केंद्र सरकारने टीकटॉकवरही ॲप्सवर बंदी घातली. तेव्हापासून भारतात टीकटॉक सुरु झाले नाही. भारतात टिकटॉक पुन्हा लाँच होण्याची शक्यता नसल्याने कंपनीने सर्व भारतीय कर्मचाऱ्यांना कामावरून काढण्याचा निर्णय घेतला आहे.

Yahoo layoffs : नोकर कपातीचं सत्र सुरूच! 'याहू' १ हजार कर्मचाऱ्यांना काढणार

भारताने जुलै २०२० मध्ये ५९ अॅप्सवर बंदी घातली होती. भारताने वुई मेट, शेअर इट, युसी ब्राउजर्स, क्लब फॅट्री, युसी न्यूज, झेंडर, लाइक, सीएम ब्राउजर्स, शीन, न्यूजडॉग, वंडर कॅमेरा, कॅम स्कॅनर, क्लिन मास्टर-चिता मोबाइल, फोटो वंडर, क्यूक्यू प्लेअर, स्वीट सेल्फी, हेलो, यू व्हिडिओ, मोबाइल लेजंड्स अशा एकूण ५९ अॅप्सवर बंदी घातली.