Dolo-650 Tablet चे उत्पादन करणाऱ्या कंपनीवर इन्कम टॅक्सची धाड
कोरोना साथीदरम्यान Dolo-650 या तापावरील गोळीचं नाव घराघरात पोहचलं. मात्र आता ही कंपनी प्राप्तीकर न भरल्याच्या कारणावरून चर्चेत आली आहे.
कोरोना साथीदरम्यान Dolo-650 या तापावरील गोळीचं नाव घराघरात पोहचलं. मात्र आता ही कंपनी प्राप्तीकर न भरल्याच्या कारणावरून चर्चेत आली आहे. बंगळुरूस्थित ‘मायक्रो लॅब्ज’ ही कंपनी Dolo-650 गोळीचे उत्पादन करते. जुलै २०२० ते जून २०२१ दरम्यान Dolo-650 या गोळीच्या विक्रीत ७४ टक्क्याने वाढ झाल्याची माहिती आहे. कंपनीने यादरम्यान साडे तीन कोटी Dolo-650 गोळ्यांची विक्री केली असून यातून ४०० कोटी रुपयांची कंपनीला कमाई झाली असल्याचे समजते. मात्र यादरम्यान ‘मायक्रो लॅब्ज’ कंपनीने प्राप्तीकर चुकवल्याचा संशय आहे. त्यामुळे प्राप्तीकर खात्याकडून या कंपनीचे आर्थिक व्यवहार सध्या तपासले जात आहे.
मायक्रो लॅब्ज कंपनीशी संबंधित ४० ठिकाणी आयकर विभागाने धाडी टाकून तपासणी सुरू केली आहे. कंपनीच्या वेगवेगळ्या राज्यांतील कार्यालयांमध्ये कागदपत्रांची तपासणी करण्याचे काम सुरू आहे. कर्नाटकमध्ये बंगळुरूत असलेल्या मुख्यालयातही तपासणी सुरू झाली आहे. तसेच कंपनीचे सीएमडी दिलीप सुराणा आणि संचालक आनंद सुराणा यांच्या घरांवर आयकर विभागाची धाड टाकली आहे.
ताप आणि विषाणूजन्य आजारांची लक्षणे दिसल्यावर साधारणतः पॅरासिटॅमॉल ही औषध गोळी घेतली जाते. त्याप्रमाणेच डोलो गोळीत ६५० ग्रॅम पॅरासिटॅमॉलचे प्रमाण असते. कोरोना काळात ताप व अंगदुखीवर गुणकारी म्हणून डॉक्टरांकडून Dolo-650 हे औषध लिहून दिले जाते. त्यामुळे कोरोनानंतर ‘अंगदुखी किंवा ताप आला की Dolo-650 घ्या’ असं सरसकट समिकरण तयार झालं आहे. कोरोना प्रतिबंधक लसीकरण कार्यक्रमातही लस घेतल्यावर ताप आल्यास Dolo-650 ही गोळी घेण्याचा सल्ला दिला जायचा. परिणामी देशभरात Dolo-650 गोळीची विक्रमी विक्री सध्या सुरू आहे.
संबंधित बातम्या
विभाग