Nadurbar Bus Accident : नंदुरबारच्या शहाद्यात बसचा भीषण अपघात; चालकाचं नियंत्रण सुटताच बस उलटली
Nadurbar Bus Accident : नंदुरबार जिल्ह्यात असलेल्या शहाद्यात बसवरील नियंत्रण सुटल्याने बस पलटी होऊन भीषण अपघात झाला. या घटनेत बसमध्ये साखर झोपेत असलेले १५ प्रवासी जखमी झाले आहेत. त्यातील एकाची प्रकृती ही चिंताजनक आहे.
नंदुरबार : नंदुरबार जिल्ह्यातल्या शहादा येथे एका बसचा भीषण अपघातात झाला. सुरत-खरगोन ही बस पहाटेच्या सुमारास जात असतांना बसवरील चलकांचे नियंत्रण सुटल्याने बस थेट दुभाजकाला जाऊन धडकली आणि रस्त्यावर पलटी झाली. या बसमधील तब्बल १५ प्रवासी या अपघात जखमी झाले. यातील एकाची प्रकृती ही चिंताजनक आहे. पहाटे ४ च्या सुमारास हा अपघात झाला आहे.
गुजरात राज्यातील सुरत येथून मध्य प्रदेशकडे ही बस जात होती. ही बस नंदुरबार जिल्ह्यातल्या शहादा येथील १३२ केवी सब स्टेशनजवळ आली असता या ठिकाणी बस चालकाचे स्टेअरिंग वरील नियंत्रण सुटल्याने बस रस्त्याच्या दुभाजकाला जाऊन धडकली. ही धडक एवढी भीषण होती की बस रस्त्यावर पलटी झाली. या अपघात बसमधील १५ प्रवासी जखमी झाले. एका प्रवाशाची प्रकृती ही चिंताजनक असल्याची माहिती आहे. जखमींना तातडीने शहादा येथील खासगी आणि सरकारी रुग्णालयात दाखल करण्यात आले आहे. जखमी प्रवाशांची नावे अद्याप समजू शकली नाही.
अपघात झाल्यानंतर मोठ्या प्रमाणात आवाज झाला. आवाज ऐकून स्थानिक नागरिक तातडीने घटनास्थळी आले. त्यांनी जखमी नागरिकांना बाहेर काढले. काही वेळात पोलिस देखील आले. त्यांनी देखील जखमी नागरिकांना बाहेर काढले. सुदैवाने या अपघातात जीवित हानी झाली नाही. दरम्यान या मार्गावर अपघात वाढले असून हे अपघात कमी करण्यासाठी उपाय योजना करणाची मागणी होत आहे.
विभाग