विल जॅकचं तुफान… ४१ चेंडूत ठोकलं शतक  

By Rohit Bibhishan Jetnavare
Apr 28, 2024

Hindustan Times
Marathi

IPL 2024 चा ४४ वा सामना गुजरात आणि बंगळुरू यांच्यात खेळला गेला. या सामन्यात गुजरातने २०० धावा केल्या होत्या.

प्रत्युत्तरात आरसीबीने अवघ्या १६ षटकात लक्ष्य गाठले. त्यांच्याकडून विल जॅकने ४१ चेंडूत शतक ठोकले आणि अनेक विक्रम तोडले.

यावेळी विराट कोहली आणि विल जॅक यांच्याती ७० चेंडूत १६१ धावांची भागिदारी झाली. जॅकने ४१ चेंडूत १०० धावा केल्या.

विल जॅक एकवेळ १६ चेंडूत १६ धावांवर होता. त्यानंतर त्याने ३१ चेंडूत ५० धावा पूर्ण केल्या. यानंतर त्याने अचानक धावांचा वेग वाढवला.

विल जॅकने पुढच्या १० चेंडूत ७ षटकार आणि ३ चौकार मारले. जॅकची फलंदाजी पाहून विराट कोहलीदेखील शॉक झाला.  

जॅकने मोहित शर्माने टाकलेल्या १५व्या षटकात २९ धावा कुटल्या. त्यानंतर जॅकने १६व्या षटकातही २९ धावा ठोकल्या.

१६ वे षटक राशीद खानने टाकले. यात जॅकने ४ षटकार मारले. याच षटकात विल जॅकने शतक आणि सामना पूर्ण केला.

यासह जॅक आयपीएलच्या इतिहासातील ५ वे जलद शतक झळकावले आहे. ख्रिस गेलने सर्वात वेगवान ३० चेंडूत शतक केले होते.  

गणपतीची पूजा करताना करू नका ‘या’ चुका; होईल कोप!