Herbal Tea: वेट लॉसच नाही तर इम्युनिटीही बूस्ट करतो हळद-पुदिनाचा चहा, रोज पिण्याचे आहेत अनेक फायदे
Ayurvedic Tips: हा आयुर्वेदिक चहा पिल्याने व्यक्ती सर्दी, खोकला आणि ताप यांसारख्या समस्यांपासून सहज दूर राहू शकते आणि बदलेल्या वातावरणामुळे वाढलेल्या संसर्गापासून मुक्ती मिळवू शकतो. चला जाणून घेऊया हळद पुदिनाचा चहा पिण्याचे फायदे.
Health Benefits of Turmeric Mint Tea: बदललेल्या वातावरणात व्हायरल होण्याचा धोका अधिक असतो. अशा वेळी स्वतःची काळजी घेण्यासोबतच आपली रोगप्रतिकार शक्ती वाढवणे सुद्धा महत्त्वाचे असते. जर तुम्ही देखील अशा कोणत्याही समस्येने त्रस्त असाल तर दररोज हळद-पुदिन्याचा चहा प्यायल्याने तुमची समस्या बर्‍याच प्रमाणात कमी होऊ शकते. हळदीमध्ये असलेले अँटी इंफ्लेमेटरी गुणधर्म शरीरातील सूज दूर करून वॉटर रिटेंशन सारख्या समस्यांपासून मुक्त होण्यास मदत करतात. त्याचबरोबर पुदिन्यात असलेले मेन्थॉल शरीरातील वेदना दूर करून मूड फ्रेश ठेवण्यास मदत करते. एवढेच नाही तर हा आयुर्वेदिक चहा प्यायल्याने सर्दी, खोकला, ताप यासारख्या समस्यांपासूनही सहज दूर राहता येते आणि ऋतूतील संसर्गापासूनही सुटका मिळते. चला तर जाणून घेऊया हळद-पुदिन्याचा चहा प्यायल्याने आरोग्यासाठी कोणते आश्चर्यकारक फायदे होतात.
हळद-पुदिन्याचा चहा पिण्याचे फायदे
वजन कमी होते
हळद-पुदिन्याचा चहा प्यायल्याने वजन कमी होण्यास मदत होते. हळद-पुदिनामध्ये असलेले फॅट बर्निंग घटक शरीरातील चरबी सहज कमी करून पचनक्रिया मजबूत ठेवण्यास मदत करतात.
निद्रानाशात मदत
ज्यांना झोपेचा त्रास होतो त्यांच्यासाठी हळद-पुदिना चहा फायदेशीर ठरू शकतो. झोपेला प्रोत्साहन देऊन निद्रानाशाच्या समस्येवर पुदिना सहज मात करू शकतो.
इम्युनिटी बूस्ट होते
हळद-पुदिन्याचा चहा प्यायल्याने रोगप्रतिकारशक्ती वाढते. हळदीमध्ये असलेल्या अनेक गुणधर्मांमुळे रोगप्रतिकारशक्ती चांगली राहते. त्यामुळे सर्दी, खोकला सारख्या समस्या दूर राहतात. एवढेच नाही तर हा चहा प्यायल्याने शरीरातील संसर्ग दूर होण्यासही मदत होते.
तोंडाच्या दुर्गंधीपासून सुटका
तोंडातील दुर्गंधी दूर करण्यासाठी देखील हळद-पुदिन्याचा चहा फायदेशीर मानला जातो. पुदिन्यात असलेले गुणधर्म तोंडाची दुर्गंदी दूर करुन श्वासाची दुर्गंधी दूर करण्यास मदत करतात. हा चहा प्यायल्याने तोंडावर बराच वेळ दाब राहतो.
शरीरदुखीपासून आराम देते
हळद शरीरातील वेदना दूर करून हाडे मजबूत ठेवण्यास मदत करते. याशिवाय पुदिन्यात असलेले अनेक वेदना कमी करणारे घटक शरीरातील वेदना कमी करण्यास आणि शरीर निरोगी ठेवण्यास मदत करतात.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
विभाग