इव्हनिंग स्नॅक्ससाठी परफेक्ट आहे टेस्टी बटाट्याचे चाट

How To Make Potato Chaat : चाट म्हटले की प्रत्येकाच्या तोंडाला पाणी सुटते. भारतात अनेक प्रकारच्या चाट तयार केल्या जातात पण बटाटा किंवा आलू चाटची लोकप्रियता वेगळ्या पातळीवर आहे. लोकांना बटाटा चाट खायला आवडते. यासोबतच अनेक प्रयोगही केले जातात. जसे उकडलेले बटाटा चाट, ग्रीन बटाटा चाट, बटाटा-टोमॅटो चाट इ. जरी तुम्हाला बाजारात चांगली टेस्टी चाट मिळतील, पण त्यात भरपूर मसाले असतात, जे आरोग्यासाठी हानिकारक असतात. आम्ही तुम्हाला घरी भाजलेला बटाटा चाट कसा बनवायचा ते सांगत आहोत. तुम्ही इव्हनिंग स्नॅक्स म्हणून सर्व्ह करू शकता.

बटाटा चाट बनवण्यासाठी आवश्यक साहित्य

- ५ ते ७ मध्यम आकाराचे बटाटे

- १ मोठी वाटी मीठ

- १/२ टीस्पून किसलेले आले

- अर्धा कप कांदा

- १ टीस्पून हिरवी चटणी

- १ टेबलस्पून गोड चटणी

- १/२ टीस्पून काळी मिरी

- १ टीस्पून चाट मसाला

- १ वाटी बारीक शेव

- ३-४ हिरव्या मिरच्या

- १ मूठभर कोथिंबीर

कसे बनवावे

भाजलेला बटाटा चाट बनवण्यासाठी प्रथम कढईत मीठ गरम करा. दरम्यान, बटाटे चांगले धुवा आणि नंतर सूती कापडाने पुसून टाका. मीठ गरम झाल्यावर त्यात स्वच्छ केलेले बटाटे टाका आणि काही वेळ चांगले परतून घ्या. १२ ते १८ मिनिटांत बटाटे भाजले जातील. बटाटे तपासा आणि नंतर पॅनमधून बाहेर काढा. आता त्याचे तुकडे करा आणि नंतर त्यात मसाले घाला. नंतर त्यात बारीक चिरलेला कांदा, हिरवी मिरची, किसलेले आले घालून मिक्स करा. शेवटी गोड आणि हिरव्या मिरचीची चटणी घालून मिक्स करा. सर्व्हिंग प्लेटमध्ये काढून बारीक शेव आणि कोथिंबीरने गार्निश करून सर्व्ह करा.