Korean Drink: कोरियन लोकांच्या फिट बॉडीचे सिक्रेट आहे हे ड्रिंक, असे बनवा
Korean Inspired Lemon Tea: कोरियन लेमन टी हे आपल्या आरोग्याच्या फायद्यांसाठी प्रसिद्ध आहे. त्यात कच्च्या लिंबाच्या रसापेक्षा जास्त व्हिटॅमिन सी असते. अशा परिस्थितीत हा चहा रोगप्रतिकारक शक्ती मजबूत करतो.
Benefits of Korean Lemon Tea: जास्त वजन फक्त तुमचे व्यक्तिमत्व खराब करत नाही तर माणसाला अनेक आजारांना बळी पाडते. वाढत्या वजनापासून सुटका मिळवण्यासाठी लोक जिममध्ये तासन् तास घालवतात तर कधी महागडी औषधे वापरतात. पण कालांतराने या गोष्टींचा प्रभाव कमी होऊ लागतो आणि व्यक्ती पुन्हा जाड होऊ लागते. तुम्हाला तुमच्या वाढत्या वजनापासून कायमची मुक्ती मिळवायची असेल, तर तुम्ही व्यायामासोबतच कोरियन लेमन टी पिणे सुरू करू शकता.
कोरियन लेमन टी बनवण्यासाठी साहित्य
हे बनवण्यासाठी तुम्हाला भरपूर साहित्याची आवश्यकता नसते. ते बनवण्यासाठी लिंबू आणि लिंबाची साल घ्या. यासोबत तुम्हाला मधाची गरज आहे.
कोरियन लेमन टी कसा बनवायचा
कोरियन लेमन टी बनवण्यासाठी लिंबू चांगले धुवा. नंतर ते कोरडे करा आणि पातळ काप करा (सालासकट). नंतर त्यात असलेले सर्व बिया काढून बाजूला ठेवा. आता एक कंटेनर किंवा बरणी घ्या आणि त्यात साखरेचा थर टाकून सुरुवात करा. त्यानंतर लिंबाचे तुकड्यांची एक लेयर करा. त्यावर पुन्हा साखरेचा थर द्या. लेयरिंग प्रक्रियेची काही वेळा पुनरावृत्ती करा आणि चमच्याने किंवा मडलरच्या मदतीने सर्व काही खाली दाबा. आता हे कंटेनर बंद करा आणि खोलीच्या तपमानावर १ ते २ दिवस तसेच राहू द्या.
आता चहा बनवण्यासाठी एका ग्लासमध्ये एक चमचा लिंबू सरबत घाला. आल्याचे एक-दोन काप घालून त्यावर थोडे गरम पाणी टाकून प्या.
मिळतील अनेक फायदे
- खोकला आणि घसा खवखवणे यांसारख्या श्वसनाच्या समस्या बरे करण्यासाठी हे खूप उपयुक्त आहे.
- व्हिटॅमिन सी सामग्रीमुळे, ते शरीराच्या रोगप्रतिकारक शक्तीला उत्तेजित करण्यास सक्षम आहे. ज्यामुळे संक्रमण आणि इतर रोग टाळण्यास मदत होते.
- अँटी ऑक्सिडंट म्हणून काम करते. यासोबतच यामध्येअसलेले अँटी इंफ्लामेटरी गुणधर्म तापामध्ये फायदेशीर ठरतात.
- हा चहा प्यायल्याने बद्धकोष्ठता, अतिसार, ब्लोटींग आणि जास्त पोट फुगणे ही लक्षणे कमी होऊन आतड्यांच्या हालचालींवर नियंत्रण ठेवण्यास मदत होते.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
संबंधित बातम्या
विभाग