SBI Loan Rates : स्टेट बँकेच्या कर्जदारांना मोठा झटका, कर्जाच्या व्याजदरात वाढ

SBI Loan Rates : स्टेट बँक ऑफ इंडियाच्या (एसबीआय) कर्जदारांना महागाईचा फटका बसला आहे. वास्तविक, कर्जावरील व्याजदरांमध्ये सुधारणा करताना बँकेने बेस रेट आणि बेंचमार्क प्राइम लेंडिंग रेट (BPLR) वाढवले ​​आहेत. बँकेने बेस रेटमध्ये ७० बेसिस पॉइंट्सची वाढ केली आहे आणि नवीन बेस रेट १०.१० टक्के केला आहे. एसबीआयच्या व्याजदरात वाढ झाल्यामुळे जुन्या आणि नवीन ग्राहकांना ईएमआयच्या स्वरूपात जास्त रक्कम भरावी लागणार आहे.

एसबीआय बेस रेट

स्टेट बँक ऑफ इंडियाचे हे वाढीव व्याजदर आज १५ मार्च २०२३ पासून त्वरित लागू करण्यात आले आहेत. बँकेने आपला मूळ दर १०.१० टक्के केला आहे, जो पूर्वी ९.४० टक्के होता. बँकेने बेस रेटमध्ये एकूण ७० बेसिस पॉइंट्सने वाढ केली आहे. आरबीआयने सर्व बँकांना कर्ज देण्यासाठी बेस रेट लागू केला आहे. बेस रेट हा किमान व्याजदर असतो, या व्याजदरावर आधारित बँका कर्ज देतात. कोणतीही बँक बेस रेटच्या खाली कर्ज देत नाहीत.

एसबीआय बीपीएलआर

सरकारी बँक एसबीआयने आपला बेंचमार्क प्राइम लेंडिंग रेट म्हणजेच बीपीएलआर १४.१५ टक्क्यांवरून १४.८५ टक्के केला आहे. बीपीएलआरचे नवीन दर आजपासून म्हणजेच १५ मार्च २०२३ पासून लागू करण्यात आले आहेत. बीपीएलआर हा अंतर्गत बेंचमार्क दर आहे. याचा उपयोग गृहकर्जासाठी व्याजदर ठरवण्यासाठी केला जातो.

एसबीआय एमसीएलआर दर

एसबीआयने कर्जदरात कोणताही बदल केलेला नाही, एमसीएलआर म्हणजे मार्जिनल कॉस्ट ऑफ लेंडिंग रेट. बँकेच्या मते, ओव्हरनाईट एमसीएलआर दर ७.९० टक्के आहे. एक महिन्याचा एमसीएलआर ८.१० टक्के आहे. त्याचप्रमाणे, तीन महिन्यांचा एमसीएलआर ८.१० टक्के आणि सहा महिन्यांचा एमसीएलआर ८.४० टक्के आहे. मार्जिनल कॉस्ट लेंडिंग रेट हा वैयक्तिक बँकांनी सेट केलेला हा फ्लोटिंग कर्ज अंतर्गत दर आहे.