Samsung Galaxy F15: कमी किंमतीत जास्त फीचर्स हवेत? सॅमसंगनं आणलाय जबरदस्त स्मार्टफोन
Samsung Galaxy F15 Launched In India: सॅमसंगने आपला नवीन स्मार्टफोन गॅलेक्सी एफ १५ भारतात लॉन्च केला आहे.
Samsung Mobile Under 20000: सॅमसंगने भारतात आपल्या गॅलेक्सी एफ १५ स्मार्टफोन लाइनअपमध्ये ८ जीबी रॅम आणि १२८ जीबी इंटरनल स्टोरेज असलेल्या नवीन व्हेरिएंटसह भारतात लॉन्च केला आहे. हा स्मार्टफोन इतर व्हेरिएंटसह आधीच बाजारात उपलब्ध होता. सॅमसंग गॅलेक्सी एफ १५ एफएचडी+ डिस्प्लेसह येतो आणि मीडियाटेक डायमेंसिटी चिपसेटद्वारे संचालित आहे. यात ५० मेगापिक्सेलचा रिअर कॅमेरा असून ६ हजार एमएएच क्षमतेची मोठी बॅटरी देण्यात आली.
Realme Upcoming Phones: तगड्या फीचर्ससह रिअलमीचे 'हे' दोन फोन लवकरच बाजारात; काय-काय मिळणार?
किंमत आणि उपलब्धता
सॅमसंग गॅलेक्सी एफ १५ च्या नवीन लॉन्च केलेल्या ८ जीबी रॅम आणि १२८ जीबी इंटरनल स्टोरेज व्हेरियंटची किंमत १५ हजार ९९९ रुपये आहे. अ‍ॅश ब्लॅक, ग्रोवी व्हायोलेट आणि जॅझी ग्रीन कलर ऑप्शनमधून निवड करण्याचा पर्याय आहे. ४ जीबी व्हेरिएंटची किंमत १२ हजार ९९९ रुपये आहे. तर, ६ जीबी व्हेरिएंटची किंमत १४ हजार ४९९९ रुपये आहे. इच्छुक खरेदीदार फ्लिपकार्टच्या माध्यमातून ऑनलाइन या स्मार्टफोनची खरेदी करू शकतात. तसेच देशभरातील अधिकृत किरकोळ स्टोअरमध्ये जाऊ शकतात.
OnePlus 11 price drops : वनप्लस ११ च्या किंमतीत पुन्हा घसरण, जाणून घ्या नवी किंमत आणि बँक ऑफर!
सॅमसंग गॅलेक्सी एफ १५ मधील फीचर्स
सॅमसंग गॅलेक्सी एफ १५ मध्ये ६.६ इंचाचा एफएचडी+ डिस्प्ले आहे, ज्याचे रिझोल्यूशन १०८०x२३४० पिक्सेल आणि ९०हर्ट्झ रिफ्रेश रेट आहे. यात ऑक्टा-कोर मीडियाटेक डायमेंसिटी ६१००+ चिपसेट देण्यात आला आहे, जो ८ जीबी पर्यंत रॅम आणि १२८ जीबी इंटरनल स्टोरेज ऑफर करतो, जो मायक्रोएसडी कार्डद्वारे वाढवता येतो. सॅमसंगच्या वन यूआय ६ ओव्हरलेसह अँड्रॉइड १४ ऑपरेटिंग सिस्टमवर चालणारा सॅमसंग गॅलेक्सी एफ १५ मध्ये चार वर्षांचे अँड्रॉइड ओएस अपडेट आणि पाच वर्षांचे सिक्युरिटी अपडेट्स दिले जातात.
फोटोग्राफीच्या बाबतीत यात एफ/१.८ अपर्चरसह ५० मेगापिक्सलचा मुख्य कॅमेरा, एफ /२.२ अपर्चरसह ५ मेगापिक्सलचा अल्ट्रा-वाइड कॅमेरा आणि एलईडी फ्लॅशसह एफ / २.४ अपर्चरसह २ मेगापिक्सलचा मॅक्रो सेन्सरसह ट्रिपल रियर कॅमेरा सेटअप आहे. सेल्फीसाठी युजर्स १३ मेगापिक्सल फ्रंट कॅमेऱ्याचा आधार घेऊ शकतात. याव्यतिरिक्त, डिव्हाइसमध्ये साइड-माउंटेड फिंगरप्रिंट सेन्सर आहे आणि २५ वॅट फास्ट चार्जिंग सपोर्टसह ६ हजार एमएएचची बॅटरी आहे.
संबंधित बातम्या