ratan tata net worth : तब्बल ३० कंपन्यांचे मालक आहेत रतन टाटा; संपत्ती किती माहित्येय?

ratan tata net worth : भारतात क्वचितच असा कोणी व्यक्ती असेल जो रतन टाटांना ओळखत नसेल. रतन टाटांच्या वैयक्तिक आयुष्याबद्दल फारसे लोकांना माहिती नाही. पण भारतीय उद्योगपतींच्या यादीत रतन टाटा यांचे नाव अग्रक्रमाने घेतले जाते. आज देशाच्याच नाही तर जागतिक पातळीवरही टाटा समुह मोलाची भूमिका निभावत आहे. टाटा मीठापासून ते स्टीलपर्यंत प्रत्येक क्षेत्रात या समुहाने आपली ओळख निर्माण केली आहे. टाटा समुहात आज अंदाजे १०० हून अधिक कंपन्या आहेत. पण त्या उभ्या करण्यामागे मास्टरमाईंड रतन टाटा यांचे आहे.

कोण आहेत रतन टाटा?

टाटा समूहाचे संस्थापक जमशेदजी टाटा आणि रतन टाटा यांच्यात रक्ताचे नाते नाही. रतन टाटा यांचा जन्म २८ डिसेंबर १९३७ रोजी मुंबई, महाराष्ट्र येथे झाला. रतन टाटा हे नवल टाटा यांचा मुलगा आहे. ज्यांना नवजाबाई टाटा यांनी दत्तक घेतले होते. कारण नवजाबाई टाटा यांच्या पतीचे निधन झाले होते. त्यानंतर त्या एकाकी पडल्या म्हणून त्यांनी छोट्या रतनला त्यांना दत्तक घेतले. जेव्हा रतन टाटा फक्त १० वर्षांचे होते आणि त्यांचा धाकटा भाऊ जिमी टाटा ७ वर्षांचा होता, तेव्हा त्यांचे आई-वडील एकमेकांपासून वेगळे झाले होते. ज्यामुळे दोन्ही भावांनाही वेगळे व्हावे लागले होते. रतन टाटा यांची आजी नवजाबाई यांनी त्यांच्या दोन नातवंडांना वाढवण्यात कोणतीही कसर सोडली नाही. त्या शिस्तीच्या बाबतीत जितक्या मवाळ होत्या तितक्याच कठोर होत्या. रतन टाटा यांना नोएल टाटा नावाचा सावत्र भाऊ देखील आहे.

रतन टाटांचे शिक्षण

रतन टाटा यांनी त्यांचे सुरुवातीचे प्राथमिक शिक्षण मुंबईतील चॅम्पियन स्कूलमधून केले. जिथे त्यांनी ८ वी पर्यंत शिक्षण घेतले. यानंतर ते कॅथेड्रल आणि जॉन कॉनन स्कूलमध्ये गेले. शालेय शिक्षण पूर्ण केल्यानंतर त्यांनी कॉर्नेल विद्यापीठातून १९६२ मध्ये बीएस आर्किटेक्चरमध्ये स्ट्रक्चरल इंजिनिअरिंग पूर्ण केले. यानंतर त्यांनी हार्वर्ड बिझनेस स्कूलमध्ये प्रवेश घेतला. त्यांनी १९७५ मध्ये अँडव्हान्स व्यवस्थापन विषयाचा अभ्यासक्रम पूर्ण केला.

टाटा समूह

रतन टाटा यांनी जेआरडी टाटा यांच्यानंतर १९९१ मध्ये टाटा समुहाची धुरा सांभाळली. आज देशविदेशात प्रत्येक क्षेत्रात टाटा समुहाच्या शाखा विस्तारलेल्या आहेत. टाटा समुहात प्रामुख्याने ३० कंपन्यांचा समावेश असून १०० पेक्षा अधिक देशांमध्ये कंपनीचा विस्तार आहे. टाटा समुहातील महत्त्वाच्या कंपन्यांच्या यादीत टाटा मोटर्स, टाटा स्टील, टाटा कंसल्टेंसी सर्विसेज, टाटा पावर, टाटा ग्लोबल बेवरेजेज, टाटा केमिकल्स, इंडियन होटल्स और टाटा टेलीसर्विसेज यांचा समावेश आहे.

रतन टाटा यांची संपत्ती

मीडिया रिपोर्ट्सनुसार, रतन टाटा यांची एकूण संपत्ती ११७ अब्ज डॉलर्स म्हणजे सुमारे ८.२५ लाख कोटी रुपये आहे. रतन टाटा यातील ६५ टक्के रक्कम लोकांच्या मदतीसाठी देतात. याच कारणामुळे त्याचा जगातील श्रीमंतांच्या यादीत समावेश नाही. पण लोक त्यांना मनाने खूप श्रीमंत मानतात. रतन टाटा यांची एका दिवसाची कमाई अंदाजे तीन कोटींपेक्षा अधिक आहे.