Live Blog: मनसेचे नेते संदीप देशपांडेंना दिलासा, न्यायालयाने मंजूर केला जामीन

मनसेचे नेते बाळा नांदगावकर आज संध्याकाळी ६ वाजता पत्रकारांशी संवाद सादणार आहेत.राज ठाकरे यांच्या पुण्यातल्या सभेवर काही अधिक माहिती इथे मिळण्याची शक्यता आहे. त्याशिवाय संदीप देशपांडे प्रकरणावरही बाळा नांदगावकर पत्रकारांशी संवाद साधू शकतील. याशिवाय दिपाली सय्यद यांनी अलिकडच्या काळात मनसे वर केलेली जिव्हारी लागणारी टीका यावरही नांदगावकर भाष्य करताना पाहायला मिळू शकतील.

ज्ञानवापी मशिदीच्या सर्व्हेला आव्हान देणारी याचिका सर्वोच्च न्यायालयात दाखल करण्यात आली आहे. यावर वाराणसी न्यायालयाने या प्रकऱणी कोणताही आदेश उद्यापर्यंत देऊ नये असं सर्वोच्च न्यायालयाने म्हटलं आहे. तसंच सुनावणी शुक्रवारपर्यंत पुढे ढकलण्यात आली आहे.

औरंगजेबाच्या कबरीवरून गेल्या काही दिवसांपासून वाद सुरु आहे. आता खबरदारी म्हणून खुलताबादमधील औरंगजेबाची कबर पर्यटक आणि इतर लोकांसाठी बंद कऱण्यात आली असून याबाबतचा आदेश भारतीय पुरातत्व विभागाने काढला आहे.

शेअर बाजारात गुरुवारी सकाळी मोठी घसरण झाली आहे. सकाळी बाजार उघडताच सेन्सेक्स १ हजार अंकांची तर निफ्टित ३०० अंकाची घसरण झाल्याचं दिसून येत आहे.

नाटोच्या सदस्यत्वासाठी फिनलँड आणि स्वीडनने अर्ज केला आहे. अमेरिकेचे राष्ट्राध्यक्ष ज्यो बायडेन यांनी दोन्ही देशांनी केलेल्या अर्जाचं स्वागत केलं असून नाटोमध्ये त्यांच्यासोबत काम करण्याबाबत उत्सुक असल्याचं अमेरिकेच्या राष्ट्रीय सुरक्षा सल्लागारांनी म्हटलं आहे.

Today, Finland and Sweden submitted their applications for NATO membership. President Biden has welcomed those applications, and he looks forward to working with NATO Allies and with Congress on a swift accession process: US National Security Advisor Jake Sullivan

(File Pic) pic.twitter.com/AEAHnX0PmR

— ANI (@ANI) May 19, 2022

बॉलिवूड अभिनेत्री शिल्पा शेट्टीचा पती आणि बिझनेसमन राज कुंद्राविरोधात ईडीने मनी लाँड्रिंग प्रकरणी गुन्हा दाखल केला आहे. पॉर्न रॅकेट प्रकरणाशी संबंंधित त्याच्यावर हा गुन्हा नोंद करण्यात आल्याचं समोर येत आहे. सध्या जामीनावर बाहेर असलेल्या राज कुंद्राला पॉर्न रॅकेट प्रकरणी २०२१ मध्ये मुंबई पोलिसांनी अटक केली होती.