शेगावच्या गजानन महाराजांच्या दर्शनास जाणाऱ्या भाविकांसाठी मध्य रेल्वेकडून खुशखबर

विदर्भाचे पंढरपूर म्हणून ओळखल्या जाणाऱ्या शेगाव येथील श्री गजानन महाराजांच्या मंदिरात दर्शनाला जाणाऱ्या भाविकांसाठी एक खुशखबर आहे. गजानन महाराजांच्या मंदिरात दररोज हजारो भाविक देशाच्या कानाकोपऱ्यातून दर्शनासाठी येत असतात. मंदिर प्रशासनाकडूनअनेक उत्सवांचे आयोजन केले जाते. काही दिवसांवर येऊन ठेपलेल्या रामनवमीचा उत्सवानिमित्त अनेक भाविक शेगावला येत असतात. त्यांच्यासाठी मध्य रेल्वेने खास घोषणा केली आहे.

शेगाव मार्गे जाणाऱ्या नागपूर-पुणे एक्स्प्रेससह अन्य तीन एक्स्प्रेस गाड्यांना प्रायोगित तत्त्वावर सहा महिने शेगाव स्टेशनवर स्टॉप देण्याचा निर्णय मध्य रेल्वेनं घेतला आहे. हा निर्णय प्रायोगित तत्वावर घेतला असला तरी प्रवाशांच्या प्रतिसादानुसार भविष्यात कायमस्वरूपी केला जाऊ शकतो.

महिलांकडून झालेली मारहाण जिव्हारी.. रिक्षा चालकाने खाणीत उडी घेऊन संपवले जीवन, पुण्यातील घटना

नागपूर- पुणे-नागपूर एक्स्प्रेस (२२१४१/२२१४२) ही एक्सप्रेस येत्या ३१ मार्चपासून शेगावला थांबणार आहे. अमृतसर-नांदेड एक्स्प्रेसला २८ मार्चापासून, तर १२४२१ नांदेड-अमृतसर एक्स्प्रेसला २९ मार्च पासून शेगाव स्टेशनवर स्टॉप असेल. जम्मु तावी-नांदेड हमसफर (१२७५२) एक्स्प्रेस २७ मार्चपासून, नांदेड-जम्मुतावी हमसफर(१२७५१) ही गाडी ३१ मार्चपासून शेगाव स्थानकावर थांबणार आहे.

या गाड्यांना पुढील सहा महिने शेगाव रेल्वे स्टेशनवर थांबा असेल. गजानन महाराज संस्थान मध्ये रामनवमी उत्सवास सुरूवात झाली असून यामध्येविविध कार्यक्रमाचे आयोजन करण्यात आले आहे. रामनवमी उत्सवा दरम्यान राज्याच्या कानाकोपऱ्यातुन शेकडो दिंड्या शेगावात दाखल होत असतात. दरवर्षी भाविकांची होणारी प्रचंड गर्दी बघता मध्य रेल्वे प्रशासनाने हा निर्णय घेतलाआला आहे.