Summer Care Tips: उन्हाळ्यात या गोष्टींनी घ्या त्वचा आणि केसांची काळजी, सगळे विचारतील सीक्रेट
उन्हाळ्यात तुम्हाला त्वचा आणि केसांशी संबंधित समस्या येत राहतात. आता तुम्ही काही गोष्टींची काळजी घेऊन या समस्यांना तोंड देऊ शकता. त्वचा आणि केसांची काळजी कशी घ्यावी ते पाहा.
Natural Ways for Skin and Hair Care: उन्हाळ्यात तीव्र सूर्यप्रकाश, धूळ आणि प्रदूषणामुळे त्वचा, केस आणि नखांची काळजी घेणे आवश्यक आहे. या ऋतूत तुम्हाला थोडी जास्त काळजी घेण्याची गरज आहे. त्यांच्याकडे थोडेसेही दुर्लक्ष केले तर त्यांचे नुकसान होऊ लागते. येथे काही टिप्स आहेत, ज्या तुम्ही स्वतःची चांगली काळजी घेण्यासाठी फॉलो करू शकता.
निरोगी आहार
त्वचेची आणि केसांची पूर्ण काळजी घेण्यासाठी हेल्दी खाणं खूप गरजेचं आहे. तुमच्या रोजच्या जेवणात हेल्दी गोष्टींचा समावेश करा. उन्हाळ्यात आरोग्यासोबतच त्वचा आणि केसांची काळजी घेणे खूप गरजेचे आहे.
प्रथिनांची काळजी घ्या
प्रथिने शरीराला केराटीनच्या निर्मितीसाठी आवश्यक अमीनो अॅसिडचा पुरवठा करते, जे तुमचे केस, त्वचा आणि नखांचे मुख्य बिल्डिंग ब्लॉक आहे. बाजारात अशा अनेक गोष्टी आहेत ज्या हेल्दी आणि चविष्ट असण्यासोबतच प्रथिनेही चांगल्या प्रमाणात देतात.
हायड्रेशनची काळजी घ्या
आपले केस, त्वचा आणि नखे फ्रेश आणि हेल्दी ठेवण्यासाठी दररोज पुरेसे पाणी पिणे महत्वाचे आहे. पाणी तुमचे केस आणि त्वचेला मॉइश्चराईझ ठेवण्यास मदत करते आणि तुमच्या नखांना नुकसान होण्यापासून प्रतिबंधित करते. शिवाय हायड्रेटेड राहिल्याने तुमचे एकूण आरोग्य सुधारू शकते.
व्हिटॅमिन्स आहेत महत्वाचे
व्हिटॅमिन ए त्वचेच्या ग्रंथींना सेबम तयार करण्यास मदत करून त्वचा आणि केसांचे आरोग्य सुधारते. हा नैसर्गिक तेलकट पदार्थ त्वचेला ओलावा टिकवून ठेवतो, बाह्य घटकांपासून त्वचेचे संरक्षण करतो. रताळे आणि पालक हे व्हिटॅमिन ए चे उत्कृष्ट स्त्रोत आहेत.
(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)
विभाग