Share tips : रेल्वे धावली सुसाट ! आयआरसीटीसीच्या शेअर्समध्ये रेकाॅर्ड ब्रेक वाढ

IRCTC shares Tips : आपल्या ५२ आठवड्याच्या निम्न २९ रुपयांच्या पातळीवरुन रेल्वे विकास निगमचे शेअर्स ८०.६० रुपयांवर पोहोचले आहेत. हा त्या शेअर्सचा गेल्या ५२ आठवड्यातील उच्चांक आहे. या स्टाॅक्सनी गेल्या महिन्याभरातच गुंतवणूकदारांचे पैसे दुप्पट केले आहेत.

सतत मिळत असलेल्या आॅर्डर्समुळे रेल्वे विकास निगम (आयआरसीटीसी) च्या शेअर्स अचानक बुलेट ट्रेन्सप्रमाणे धावू लागले आहेत. गेल्या ५ दिवसांमध्ये या कंपनीच्या स्टाॅक्सनी ३१ टक्क्यांपेक्षा अधिक उसळी मारली आहे. आजही तो अंदाजे ८०.६० रुपयांवर पोहोचला आहे. गेल्या महिन्याभरातच या शेअर्सनी गुंतवणूकदारांचे पैसे दुपट्ट झाले आहेत. या कालावधीत शेअर्सने अंदाजे ९६ टक्क्यांपेक्षा अधिक परतावा दिला आहे.

गेल्या सहा महिन्यांमध्ये आयआरसीटीसीच्या शेअर्सनी १४६ टक्क्यांपेक्षा अधिक तर या वर्षात १२६ टक्क्यांपेक्षा अधिक रिटर्न्स दिले आहेत. गेल्या वर्षी तर या शेअर्सनी तब्बल१४० टक्के परतावा दिला होता.

आयआरसीटीसीची स्थापना केंद्र सरकारद्वारे १९ डिसेंबर २००२ ला झाली होती. कंपनी कायद्यांतर्गत २४ जानेवारी २००३ मध्ये ही कंपनी नोंदणीकृत झाली. सार्वजनिक क्षेत्रातील ही कंपनी १०० टक्के केंद्र सरकारच्या अधिकारांतर्गत आहे.

(डिस्‍क्‍लेमर: ही माहिती केवळ कंपन्यांच्या शेअर मार्केटमधील कामगिरीवर आधारीत आहे. हा गुंतवणुकीचा सल्ला नाही. त्यामुळं वाचकांनी आपल्या वित्तीय सल्लागाराच्या सुचनेनुसारच गुंतवणुकीचा निर्णय घ्यावा.)