आयपीएल २०२४ मध्ये धावांचा पाऊस पडत आहे. यंदाच्या प्रचंड प्रमाणात आयपीएलमध्ये चौकार-षटकार ठोकले जात आहेत. आयपीएल २०२४ मध्ये आतापर्यंत १०८, १०६आणि १०३ मीटर लांबीचे षटकार पहिल्या पाचमध्ये मारले गेले आहेत.
दिनेश कार्तिक - आयपीएल २०२४ मध्ये सर्वाधिक लांब षटकार मारणाऱ्यांच्या यादीत दिनेश कार्तिक पहिल्या क्रमांकावर आहे. चिन्नास्वामी स्टेडियमवर SRH विरुद्ध खेळल्या गेलेल्या IPL 2024 च्या ३० व्या सामन्यात त्याने हा पराक्रम केला. या सामन्यात दिनेशने १०८ मीटर लांब षटकार ठोकला होता. हा एक हाय स्कोअरिंग सामना होता, ज्यामध्ये कार्तिकने ३५ चेंडूत ८३ धावा केल्या. यामध्ये ७ षटकार आणि ५ चौकारांचा समावेश होता.
हेनरिक क्लासेन - यंदा सर्वाधिक लांब षटकार मारणाऱ्यांच्या यादीत हेनरिक क्लासेन दुसऱ्या क्रमांकावर आहे. चिन्नास्वामी स्टेडियमवर RCB विरुद्ध खेळल्या गेलेल्या IPL 2024 च्या ३० व्या सामन्यात त्याने १०६ मीटर लांब षटकार मारला. या सामन्यात क्लासेनने ३१ चेंडूत ६७ धावा केल्या. यामध्ये ७ षटकार आणि २ चौकारांचा समावेश होता.
निकोलस पुरन - सर्वात लांब षटकार मारणाऱ्यांच्या यादीत निकोलस पूरन तिसऱ्या क्रमांकावर आहे. आयपीएल २०२४ च्या १५व्या सामन्यात त्याने आरसीबीविरुद्ध ही कामगिरी केली. पुरनने १०६ मीटर लांब षटकार मारला होता. या सामन्यात निकोलस पुरनने २१ चेंडूत ५ षटकार आणि १ चौकारासह ४० धावा केल्या.
व्यंकटेश अय्यर- व्यंकटेश अय्यर या यादीत चौथ्या क्रमांकावर आहेत. आयपीएल २०२४ च्या १० व्या सामन्यात त्याने RCB विरुद्ध १०६ मीटर लांब षटकार ठोकला होता. हा सामनाही चिन्नास्वामी स्टेडियमवर खेळवला गेला होता. या सामन्यात व्यंकटेशने ३० चेंडूत ४ षटकार आणि ३ चौकारांसह ५० धावा केल्या होत्या.