Vi Share Price: व्होडा-आयडियावर नवे संकट; गुंतवणूकदार धास्तावले!
VI Share Price: कर्जाच्या बोझ्याखाली असलेल्या व्होडाफोन आयडिया कंपनीसमोर आता नवे संकट उभे राहिले आहे. या कारणामुळे गुंतवणूकदारांनी समभाग विक्रीचा सपाटा लावल्याने त्यात तब्बल ७ टक्के घट झाली.
कर्जाच्या आर्थिक संकटात असलेल्या व्होडाफोन-आयडिया कंपनीसमोर नवे संकट उभे राहिले आहे. कंपनीला मोबाईल टॉवर देणारी कंपनी इंडस टॉवरने व्होडा-आयडियाला थकीत रक्कम भरण्यास सांगितले आहे. थकीत रक्कम न भरल्यास सेवा बंद करण्यात येईल अशी इशारा देण्यात आला आहे. या कारणामुळे व्होडा-आयडियाच्या ग्राहकांच्या सेवेवरही विपरित परिणाम होण्याची शक्यता आहे.
कंपनीत उद्भवलेल्या या संकटामुळे गुंतवणूकदारांमध्येही भीतीचे वातावरण आहे. याच कारणामुळे गुंतवणूकदारांनी समभाग विक्रीचा सपाटा लावला आहे. गुरुवारी कंपनीच्या समभाग ७ टक्क्यांनी गडगडले. दिवसअखेर ८.४० रुपयांवर ते स्थिरावले. कंपनीचे बाजारभांडवल मूल्य २७ हजार कोटी रुपये इतके आहे.
मीडिया रिपोर्टनुसार, इंडस टॉवरने नोव्हेंबरनंतर व्यवसाय सुरू ठेवण्यासाठी नोव्हेंबरपर्यंत थकीत रक्कम भरण्याच्या सूचना व्होडा-आयडियाला देण्यात आल्या आहेत. कंपनी ही रक्कम भरण्यास असमर्थ ठरल्यास इंडस टाँवर व्होडाफोन – आयडियाची सेवा पूर्णपणे बंद करेल.
सूत्रांनी दिलेल्या माहितीनुसार, अमेरिकन कॉर्पोरेशन (एटीसी) देखील आपले थकीत कर्ज फेडण्याची तयारी करत आहे. कंपनीचे भारतात ७५,००० मोबाईल टॉवर्स आहेत. वोडा-आयडियाचे इंडस टावर्सकडे अंदाजे ६,८०० कोटी रुपये आणि एटीसीचे अंदाजे २,४०० कोटी रुपये थकीत असल्याचा अंदाज आहे.
संबंधित बातम्या