Jalna Accident : मुलीला भेटण्यासाठी जाणाऱ्या दाम्पत्यावर काळाचा घाला; अपघात पती-पत्नी ठार
Jalna Accident : आपल्या मुलीच्या भेटीला जाणाऱ्या पती पत्नीवर काळाने घाला घातला आहे. भारधाव मोटरीने धडक दिल्याने दोघांचा मृत्यू झाला आहे.
जालनाः आपल्या मुलीच्या भेटीला जाणाऱ्या पती पत्नीवर काळाने घाला घातला आहे. भारधाव मोटरीने धडक दिल्याने दोघांचा मृत्यू झाला आहे. ही घटना जालना जिल्ह्याच्या भोकरदन तालुक्यातील दगडवाडी येथे ही घटना शनिवारी सकाळी ९ वाजेच्या सुमारास घडली.
दत्तू वामन बोराडे (वय ६५) व कमलबाई बोराडे (वय ५९) असे अपघातात ठार झालेल्या वृद्ध दाम्पत्याचे नाव आहे. पोलिसांनी दिलेल्या माहितीनुसार हे वृध्द दाम्पत्य जळगाव राष्ट्रीय महामार्गावरील वडोदबाजार (ता.सिल्लोड) पोलीस ठाण्याच्या समोर खामगावकडे वळण घेत होते. यावेळी भरधाव क्रुझरने त्यांच्या दुचाकीला धडक दिल्याने त्यांचा मृत्यू झाला.
ही दोघेही मुलीकडे जाऊन तिची भेट घेरणार होते. यामुळे ते सकाळी दुचाकीवरून घराबाहेर पडले. पण काळाने मात्र, त्यांच्यावर घाला घातला. हे दोघे फुलंब्री सिल्लोड मार्गावरील खामगाव फाट्यापर्यंत आले. यावेळी पाठीमागून भरधाव आलेल्या क्रुझरने त्यांच्या दुचाकीला जोरदार धडक दिली. यात दोघेही गंभीर जखमी झाले. त्यांना तातडीने दवाखान्यात भारती करण्यात आले. मात्र, उपचारा दरम्यान दोघांचाही मृत्यू झाला. या घटनेची माहिती पोलिसांना मिळताच वडोदबाजार पोलीस ठाण्याचे सहायक निरीक्षक विलास मोरे यांनी कर्मचाऱ्यांसह घटनास्थळी आले.
शवविच्छेदनानंतर मृतदेह नातेवाईकांच्या ताब्यात देण्यात आला. याप्रकरणी वडोदबाजार ठाण्यात क्रुझर चालकाविरुध्द गुन्हा दाखल करण्यात आला आहे. शनिवारी दुपारी शोकाकूल वातावरणात दगडवाडी येथे दोघांवर अंत्यसंस्कार करण्यात आले.
विभाग