Yoga Mantra: हेअर फॉल थांबवून केस वाढण्यास मदत करतात 'हे' ३ योगासन, ट्राय करा

Yoga For Healthy Hair: आजच्या काळात बहुतेक लोक केस गळण्याच्या समस्येने त्रस्त आहेत. तणाव, चुकीचे खानपान, खराब जीवनशैली, चुकीच्या सवयी, हार्मोनल असंतुलन, धूम्रपान, औषधे आणि अनुवांशिक विकार ही याची मुख्य कारणे असू शकतात. जर तुम्हीही केस गळण्याच्या समस्येने त्रस्त असाल आणि केसांची चांगली वाढ होण्याचे स्वप्न पाहत असाल तर तुमच्या रुटीन लाइफमध्ये या ३ योगासनांचा नक्कीच समावेश करा.

Yoga Mantra: गुडघेदुखीच्या समस्येने हैराण? नियमित करा हे योगासन, मिळेल आराम

हे ३ योगासन केस गळणे टाळण्यास मदत करू शकतात

शशांकासन

शशांकासनाला इंग्रजीत रॅबिट पोझ असेही म्हणतात. हे आसन केल्याने हार्मोन्स संतुलित राहतात आणि स्कॅल्पमध्ये ब्लड सर्कुलेशन वाढते, ज्यामुळे केस गळणे कमी होते. हे आसन करण्यासाठी सर्वप्रथम योगा मॅटवर गुडघ्यांवर उभे असताना डोके इतके पुढे वाकवा की डोके गुडघ्यांना स्पर्श करेल. यानंतर डोक्याचा वरचा भाग चटईवर टेकून ठेवा. हात सरळ ठेवून घोट्याला हाताने धरण्याचा प्रयत्न करा. काही वेळ या स्थितीत रहा आणि दीर्घश्वास घ्या.

Yoga Mantra: डबल चीनपासून सुटका मिळवण्यासाठी करा हे फेशियल एक्सरसाईज

शीर्षासन

शिर्षासनाला हेडस्टँड पोझिशन असेही म्हणतात. हे आसन केल्याने डोक्यातील रक्तप्रवाह सुधारू लागतो. जे केस गळण्याची समस्या टाळण्यास आणि नवीन केस वाढण्यास मदत करते. हे आसन करण्यासाठी सर्वप्रथम खाली वाकून दोन्ही हातांची बोटे डोक्याच्या मागे घेऊन डोके जमिनीवर ठेवा. आता संतुलन साधताना पाय हळू हळू वरच्या दिशेने न्या. लक्षात ठेवा, या दरम्यान तुम्हाला तुमच्या डोक्यावर उभे राहावे लागेल. काही काळ या स्थितीत राहिल्यानंतर विश्रांती घ्या. हे आसन करताना तुमचा तोल सांभाळणे खूप गरजेचे आहे. हे आसन करण्यासाठी सुरुवातीला भिंतीचा आधारही घेता येतो.

Yoga Mantra: नॅचरल ग्लो मिळवण्यासाठी प्रभावी आहे हे योगासन, खुलेल सौंदर्य

उत्तानासन

उत्तानासनला स्टँडिंग फॉरवर्ड बँड पोझ असेही म्हणतात. उत्तानासन केल्याने मेंदूतील ऑक्सिजनची पातळी सुधारते आणि रक्ताभिसरणही चांगले होते. हे आसन केल्याने केसांचे कूप मजबूत होतात. हे आसन करण्यासाठी प्रथम दोन्ही पाय एकत्र ठेवून उभे रहा. यानंतर, श्वास घेताना आपले दोन्ही हात वर करा आणि श्वास सोडताना हात खाली आणून जमिनीला स्पर्श करण्याचा प्रयत्न करा. हे करत असताना डोके आणि घसा गुडघ्याजवळ यावा यासाठी प्रयत्न करा. काही वेळ या आसनात राहण्याचा प्रयत्न करा आणि नंतर विश्रांतीच्या मुद्रेत या.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)