Raita Recipe: उन्हाळ्यात या ५ गोष्टींपासून बनवा टेस्टी रायता, पाहा जेवणाची चव वाढवणारी रेसिपी

5 Types of Raita Recipe: उष्णतेमुळे सर्वांना त्रास होतो. अशा परिस्थितीत संपूर्ण शरीर थंड ठेवण्यासाठी हेल्दी थंड पदार्थ खाणे आवश्यक आहे. तज्ञ या काळात ताजे आणि हलके अन्न खाण्याचा सल्ला देतात. उन्हाळ्यात जेवणाला चव सुद्धा येत नाही. अनेक भाज्या खायची इच्छा होत नाही. अशा परिस्थितीत जेवणाला चवदार बनवण्यासाठी तुम्ही जेवणासोबत रायता सर्व्ह करू शकता. दरवेळी एकच रायता खाण्याचा तुम्हाला कंटाळा येत असेल तर तुम्ही या ५ वेगवेगळ्या प्रकारच्या रायताची रेसिपी ट्राय करू शकता. हे बनवायला सोपे आहे. जाणून घ्या रेसिपी.

Mango Papad: कैरीपासून बनवू शकता आंबट गोड आंब्याचे पापड, झटपट तयार होते सोपी रेसिपी

काकडीचा रायता

काकडीचा रायता बनवण्यासाठी प्रथम एका भांड्यात दही नीट काढून घ्या. नंतर ते चांगले फेटून घ्या. आता एक काकडी धुवून सोलून नंतर किसून घ्या. आता ही किसलेली काकडी दह्यात घाला. नंतर त्यात भाजलेल्या जिऱ्याची पूड, काळे मीठ आणि मीठ टाका. चवीसाठी त्यात थोडा चाट मसाला घाला. तुमचा रायता तयार आहे.

बटाट्याचा रायता

यासाठी २ बटाटे उकळून घ्या आणि नंतर कढईत तेल घालून जिरे घाला. एक मिरची कापून त्यात घाला. आता त्यात हळद, लाल तिखट आणि चाट मसाला घाला. आता दही घ्या आणि उकडलेले बटाटे मॅश करा आणि त्यात घाला. आता त्यात पाणी घाला. सर्व व्यवस्थित शिजवून घ्या आणि थोडे मीठ घालून रायता तयार करा. सजवण्यासाठी कोथिंबीर घाला.

Potato Bhaji Recipe: दुपारच्या जेवणात काही वेगळं खायचं असेल तर ट्राय करा दही बटाट्याच्या भाजीची रेसिपी

अननसचा रायता

हा रायता बनवण्यासाठी अननसाचे तुकडे करा. नंतर हे तुकडे तव्यावर ठेवा आणि हलके भाजून घ्या म्हणजे ते मऊ होतील. आता एका भांड्यात दही काढून फेटून घ्या आणि अननसाचे तुकडे थंड करून दह्यात मिक्स करा. आता त्यात पुदिन्याची पाने, काळे मीठ, साखर आणि काळी मिरी पावडर टाका. रायता सर्व्ह करायला तयार आहे.

दुधी भोपळ्याचा रायता

हे बनवण्यासाठी दुधी भोपळा नीट धुवा आणि नंतर किसून घ्या. आता एका भांड्यात पाणी गरम करा आणि नंतर त्यात किसलेला दुधी भोपळा घाला. ते चांगले उकळून गाळून घ्या. दुधी भोपळा गाळून घेतल्यानंतर हाताने पाणी पिळून घ्या. आता ते दह्यात मिक्स करा. नंतर त्यात हिरवी मिरची, काळे मीठ, जिरे पूड घालून मिक्स करा. कोथिंबीरने सजवून सर्व्ह करा.

Melon Cooler: उन्हाळ्यात थंड ठेवेल मेलन कूलर, नोट करा शेफ रणवीरची ही टेस्टी रेसिपी

पुदिन्याचा रायता

पुदिन्याचा रायता बनवण्यासाठी पुदिन्याची पाने घेऊन बारीक करा. आता दह्यात हिरवी मिरची, मीठ, चाट मसाला, भाजलेल्या जिऱ्याची पावडर घाला. नंतर त्यात पुदिन्याची पेस्ट घाला. चांगले मिक्स करा आणि नंतर सर्व्ह करा.