Aloo Baingan Chokha: चवीत अप्रतिम लागतो बटाटा वांग्याचा चोखा, नोट करा बिहारी स्टाईल रेसिपी
Apr 26, 2024, 11:33 PM IST
- Bihari Style Recipe: लिट्टी चोखा हा बिहारमधील प्रसिद्ध पदार्थ आहे. त्याचा चोखा बटाटा आणि वांग्यापासून बनवला जातो. अप्रतिम चवीचा बटाटा वांग्याचा चोखा घरी बनवण्यासाठी पाहा ही रेसिपी.
Bihari Style Recipe: लिट्टी चोखा हा बिहारमधील प्रसिद्ध पदार्थ आहे. त्याचा चोखा बटाटा आणि वांग्यापासून बनवला जातो. अप्रतिम चवीचा बटाटा वांग्याचा चोखा घरी बनवण्यासाठी पाहा ही रेसिपी.
- Bihari Style Recipe: लिट्टी चोखा हा बिहारमधील प्रसिद्ध पदार्थ आहे. त्याचा चोखा बटाटा आणि वांग्यापासून बनवला जातो. अप्रतिम चवीचा बटाटा वांग्याचा चोखा घरी बनवण्यासाठी पाहा ही रेसिपी.
Aloo Baingan Chokha Recipe: बिहारमध्ये बनवलेली लिट्टी बटाटा-वांग्याच्या चोख्यासोबत दिली जाते. हा चोखा तुम्ही रोटी किंवा पराठ्यासोबतही खाऊ शकता. पटकन तयार होणारा हा चोखा चवीला थोडा चटपटीत असतो. जर तुम्हाला चटपटीत जेवण आवडत असेल तर तुम्ही ते घरी बनवू शकता. आम्ही तुम्हाला बिहारी स्टाईल बटाटा वांग्याचा चोखा कसा तयार करायचा ते सांगत आहोत. याची रेसिपी खूप सोपी आहे.
बटाटा वांग्याचा चोखा बनवण्यासाठी साहित्य
- वांगे
- बटाटे
- बारीक चिरलेला कांदा
- बारीक चिरलेला टोमॅटो
- किसलेले आले लसूण
- हिरवी मिरची
- लिंबू
- मोहरीचे तेल
- मीठ
- संपूर्ण लाल मिरची
- काळी मिरी पावडर
- कोथिंबीर
बटाटा वांग्याचा चोखा बनवण्याची पद्धत
बटाटा वांग्याचा चोखा बनवण्यासाठी प्रथम वांगी धुवून पुसून घ्या. ते साइडने थोडेसे कापून घ्या. त्याला तेल लावून गॅसवर भाजून घ्या. यासोबत बटाटे सुद्धा उकळून घ्या. वांगी भाजताना अधून मधून फिरवत राहा म्हणजे ते चारही बाजूंनी चांगले भाजले जाईल. नंतर वांग्याची वरची साल काढून स्वच्छ करा. आता उकडलेल्या बटाट्याची साले काढून टाका. नंतर एका भांड्यात भाजलेली वांगी आणि उकडलेले बटाटे घालून मॅश करा. आता त्यात चिरलेला टोमॅटो, कांदा, मीठ आणि काळी मिरी पावडर घाला. नंतर लसूण पाकळ्या आणि लाल मिरच्या गॅसवर भाजून घ्या.
आता ते नीट ठेचून घ्या आणि सर्व वांगे बटाट्याच्या मिश्रणात चांगले मिक्स करा. शेवटी थोडे मोहरीचे तेल घालून मिक्स करा. बटाटा वांग्याचा चोखा कोथिंबीरने सजवून सर्व्ह करा.