विभाग

मराठी बातम्या / निवडणुका / २०२४ मधील आगामी विधानसभा निवडणूक

२०२४ मधील आगामी विधानसभा निवडणूक

यंदाचं म्हणजेच २०२४ हे वर्ष निवडणुकांचं आहे असं म्हटलं तर वावगं ठरणार नाही. या वर्षी सर्वात मोठी निवडणूक ही लोकसभेची असणार आहे. लोकसभेसोबत आंध्रप्रदेश, अरुणाचल प्रदेश, ओडिशा आणि सिक्किमची विधानसभा निवडणूक होणार आहे. लोकसभेनंतर ऑक्टोबर २०२४मध्ये महाराष्ट्र आणि हरयाणाची विधानसभा निवडणूक पार पडेल. त्यानंतर नोव्हेंबर महिन्यात झारखंड विधानसभा निवडणूक पार पडेल. २०२४ च्या लोकसभा निवडणुकीच्या आसपास या निवडणुका होत आहेत. या निवडणुकांचं वेळापत्रक अद्याप जाहीर झालेलं नाही. ते लवकरच जाहीर होण्याची शक्यता आहे. मात्र, राम मंदिराची उभारणी झाल्यानंतर या निवडणुका पार पडणार आहेत. शिवाय सीएए लागू करण्याची घोषणा केंद्राने केली आहे. त्यामुळं सर्वच पक्ष आगामी निवडणुकीच्या दृष्टीनं रणनीती आखू लागले आहेत.

निवडणूक २०२४

No.	राज्याचे नाव	निवडणूक वर्ष	चालू कार्यकाळ	विधानसभा मतदारसंघ	लोकसभा मतदारसंघ	राज्यसभा
1	लोकसभा निवडणूक	२०२४	एप्रिल-मे २०२५	NA	545	NA
2	आंध्र प्रदेश	२०२४	एप्रिल-मे २०२५	१७५	२५	११
3	अरुणाचल प्रदेश	२०२४	एप्रिल-मे २०२५	६०	२	१
4	ओडिशा	२०२४	एप्रिल-मे २०२५	१४७	२१	१०
5	सिक्कीम	२०२४	एप्रिल-मे २०२५	३२	१	१
6	हरयाणा	२०२४	४ नोव्हें २०१९ ते ४ नोव्हे २०२४	९०	१०	५
7	महाराष्ट्र	२०२४	२७ नोव्हें २०१९ ते २६ नोव्हे २०२४	२८८	४८	१९

आगामी विधानसभा निवडणुकीचे वेळापत्रक

No.	राज्याचे नाव	निवडणूक वर्ष	चालू कार्यकाळ	विधानसभा मतदारसंघ	लोकसभा मतदारसंघ	राज्यसभा
1	मध्य प्रदेश	२०२3	७ जाने २०१९ ते ६ जाने २०२४	२३०	२९	११
2	मिझोराम	२०२३	१८ डिसेंबर २०१८ ते १७ डिसे. २०२३	४०	१	१
3	छत्तीसगड	२०२3	४ जाने २०१९ ते ३ जाने २०२४	९०	११	५
4	राजस्थान	२०२3	१५ जाने २०१९ ते १४ जाने २०२४	२००	२५	१०
5	तेलंगण	२०२3	१७ जाने २०१९ ते १६ जाने २०२४	११९	१७	७
6	आंध्र प्रदेश	२०२४	एप्रिल-मे २०२५	१७५	२५	११
7	अरुणाचल प्रदेश	२०२४	एप्रिल-मे २०२५	६०	२	१
8	ओडिशा	२०२४	एप्रिल-मे २०२५	१४७	२१	१०
9	सिक्कीम	२०२४	एप्रिल-मे २०२५	३२	१	१
10	हरयाणा	२०२४	४ नोव्हें २०१९ ते ४ नोव्हे २०२४	९०	१०	५
11	महाराष्ट्र	२०२४	२७ नोव्हें २०१९ ते २६ नोव्हे २०२४	२८८	४८	१९
12	झारखंड	२०२५	६ जाने २०२० ते ५ जाने २०२५	८१	१४	६
13	दिल्ली	२०२५	२४ फेब्रु २०२० ते २३ फेब्रु २०२५	७०	७	३
14	बिहार	२०२५	२३ नोव्हे २०२१ ते २२ नोव्हे २०२५	२४३	४०	१६
15	आसाम	२०२६	२१ मे २०२१ ते २० मे २०२६	१२६	१४	७
16	केरळ	२०२६	२४ मे २०२१ ते २३ मे २०२६	१४०	२०	९
17	तामिळनाडू	२०२६	११ मे २०२१ ते १० मे २०२६	२३४	३९	१८
18	पश्चिम बंगाल	२०२६	८ मे २०२१ ते ७ मे २०२६	२९४	४२	१६
19	पुड्डुचेरी	२०२६	१६ जून २०२१ ते १५ जून २०२६	३०	१	१
20	गोवा	२०२७	१५ मार्च २०२२ ते १४ मार्च २०२७	४०	२	१
21	मणिपूर	२०२७	१४ मार्च २०२२ ते १३ मार्च २०२७	६०	२	१
22	पंजाब	२०२७	१७ मार्च २०२२ ते १६ मार्च २०२७	११७	१३	७
23	उत्तराखंड	२०२७	२९ मार्च २०२२ ते २८ मार्च २०२७	७०	५	३
24	उत्तर प्रदेश	२०२७	२३ मार्च २०२२ ते २२ मार्च २०२७	४०३	८०	३१
25	गुजरात	२०२७	१२ डिसें २०२२ ते ११ डिसें २०२७	१८२	२६	११
26	हिमाचल प्रदेश	२०२७	१२ डिसें २०२२ ते ११ डिसें २०२७	६८	४	३
27	मेघालय	२०२८	२३ मार्च २०२३ ते २२ मार्च २०२८	६०	२	१
28	नागालँड	२०२८	२३ मार्च २०२३ ते २२ मार्च २०२८	६०	१	१
29	त्रिपुरा	२०२८	२३ मार्च २०२३ ते २२ मार्च २०२८	६०	२	१
30	कर्नाटक	२०२८	१७ मे २०२३ ते १६ मे २०२८	२२४	२८	१२

विविध राज्यांच्या विधानसभांचा कालावधी

2024 मध्ये होणाऱ्या विधानसभा निवडणुकांवर एक नजर टाकूया. आंध्र प्रदेशातील सरकारचा कार्यकाळ ११ जून रोजी संपणार आहे. अरुणाचल प्रदेशचा कार्यकाळ २ जून रोजी, ओडिशा विधानसभेचा कार्यकाळ २४ जून रोजी, सिक्कीमचा कार्यकाळ २ जून रोजी, महाराष्ट्र विधानसभेचा कालावधी २६ नोव्हेंबर, हरयाणा विधानसभेचा कालावधी ३ नोव्हेंबर आणि झारखंड विधानसभेचा कालावधी ५ जानेवारी २०२५ रोजी संपणार आहे.

आंध्र प्रदेश विधानसभा निवडणूक 2024 वेळापत्रक

आंध्र प्रदेश विधानसभेच्या १७५ जागांसाठी एप्रिल आणि मे २०२४ मध्ये निवडणुका घेतल्या जातील. आंध्र प्रदेश विधानसभेचा कार्यकाळ ११ जून २०२४ रोजी संपत आहे. आंध्र प्रदेशात यापूर्वी एप्रिल २०१९ मध्ये विधानसभा निवडणूक झाली होती. निवडणुकीनंतर वायएस जगनमोहन रेड्डी यांनी मुख्यमंत्रिपदाची शपथ घेतली होती. वायएसआर काँग्रेस पक्षाने राज्यात सरकार स्थापन केले आहे. १७५ विधानसभा सदस्य असलेल्या आंध्र प्रदेशमध्ये बहुमतासाठी ८८ सदस्य आवश्यक असतात. चंद्राबाबू नायडू यांच्या नेतृत्वाखालील तेलगू देसम पक्ष, जनसेना, भाजप आणि काँग्रेस हे प्रमुख विरोधी पक्ष आहेत.

अरुणाचल प्रदेश विधानसभा निवडणूक 2024 वेळापत्रक

अरुणाचल प्रदेश विधानसभेच्या निवडणुका एप्रिल किंवा मे 2024 मध्ये होणार आहेत. अरुणाचल प्रदेश विधानसभेचा कार्यकाळ २ जून २०२४ रोजी संपत आहे. यापूर्वी एप्रिल २०१९मध्ये अरुणाचल प्रदेशात विधानसभा निवडणुका झाल्या होत्या. निवडणुकीनंतर भाजपने ४९ आमदार निवडून आले होते. मुख्यमंत्री पेमा खांडू यांच्या नेतृत्वाखाली भारतीय जनता पक्षाने राज्यात सरकार स्थापन केले आहे. काँग्रेस हा येथील प्रमुख विरोधी पक्ष आहे. एकूण ६० मतदारसंघ असलेल्या अरुणाचल प्रदेशात बहुमतासाठी ३१ सदस्यांची आवश्यकता असते.

ओडिशा विधानसभा निवडणूक 2024 वेळापत्रक

ओडिशा विधानसभेची निवडणूक 2024 मध्ये होणार आहेत. ओडिशा विधानसभेचा कार्यकाळ २४ जून २०२४ रोजी संपत आहे. यापूर्वी एप्रिल २०१९ मध्ये ओडिशात विधानसभा निवडणूक झाली होती. निवडणुकीनंतर मुख्यमंत्री नवीन पटनायक यांच्या नेतृत्वाखाली बिजू जनता दल पक्षाने राज्यात सरकार स्थापन केले होते. ओडिशा विधानसभेत एकूण १४७ मतदारसंघ असून येथे बहुमताचे सरकार स्थापन करण्यासाठी ७४ सदस्य असणे आवश्यक असते. गेल्या निवडणुकीत बिजू जनता दलाने ११४ जागा जिंकल्या होत्या. भाजपने २२ तर काँग्रेसने ९ जागा जिंकल्या होत्या. नवीन पटनायक हे सलग २० वर्षांहून अधिक काळ मुख्यमंत्रीपदावर आहेत. राज्याचे मुख्यमंत्री नवीन पटनायक यांनी सर्वाधिक काळ मुख्यमंत्रीपदावर राहण्याचा विक्रम केला आहे.

सिक्कीम विधानसभा निवडणूक 2024 वेळापत्रक

सिक्कीम विधानसभेमध्ये एकूण ३२ सदस्य आहेत. सिक्कीम विधानसभेची निवडणूक एप्रिल / मे महिन्यात होणार आहे. सिक्कीम विधानसभेचा कार्यकाळ २ जून २०२४ रोजी संपत आहे. यापूर्वी एप्रिल २०१९ मध्ये सिक्कीममध्ये विधानसभा निवडणुका झाल्या होत्या. निवडणुकीनंतर सिक्कीम क्रांतीकारी मोर्चाने १९ जागा जिंकून सरकार स्थापन केले होते. प्रेमसिंग तमांग हे सिक्कीमचे मुख्यमंत्री आहे. सिक्कीम डेमोक्रॅटिक फ्रंटने १६ जागा जिंकल्या होत्या.

हरियाणा विधानसभा निवडणूक 2024 वेळापत्रक

हरयाणा विधानसभेच्या निवडणुका ऑक्टोबर २०२४ मध्ये होण्याची शक्यता आहे. हरयाणा विधानसभेचा कार्यकाळ ३ नोव्हेंबर २०२४ रोजी संपत आहे. यापूर्वी ऑक्टोबर २०१९ मध्ये विधानसभा निवडणुका झाल्या होत्या. निवडणुकीनंतर राज्यात भारतीय जनता पक्ष आणि जननायक जनता पक्षाच्या युतीने भाजप नेते मनोहरलाल खट्टर यांच्या नेतृत्वाखाली सरकार स्थापन केले. हरयाणा विधानसभेत एकूण ९० सदस्यसंख्या आहे. या विधानसभेत बहुमतासाठी ४६ सदस्य संख्या असणे गरजेचे असते. २०१९च्या निवडणुकीत भाजपच्या नेतृत्वाखालील राष्ट्रीय लोकशाही आघाडीने ४१ जागा जिंकल्या होत्या. काँग्रेस पक्षाला ३० जागा मिळाल्या होत्या.

महाराष्ट्र विधानसभा निवडणूक 2024 वेळापत्रक

महाराष्ट्रात विधानसभेची निवडणूक येत्या ऑक्टोबर महिन्याच्या आसपास होऊ घातली आहे. महाराष्ट्र विधानसभेचे २८८ सदस्य या निवडणुकीच्या माध्यमातून निवडले जाणार आहेत. यापूर्वी २०१९ साली झालेल्या विधानसभा निवडणुकीत भाजपला १०५, शिवसेनेला ५६, राष्ट्रवादी कॉंग्रेसला ५४ तर कॉंग्रेस पक्षाला ४४ जागा मिळाल्या होत्या. एमआयएम पक्षाला दोन तर मनसेला एक जागा मिळाली होती. २०१९ साली शिवसेना पक्ष भाजपसोबतच्या युतीतून बाहेर पडून त्यांनी राष्ट्रवादी कॉंग्रेस आणि कॉंग्रेसशी हातमिळवणी करून उद्धव ठाकरे यांच्या नेतृत्वाखाली महाविकास आघाडी सरकार स्थापन केलं होतं. हे सरकार अडीच वर्ष चाललं. जून २०२२ मध्ये शिवसेनेत मोठं बंड झालं आणि शिवसेना नेते एकनाथ शिंदे यांनी ४० आमदार फोडून बाहेर पडले. भाजपच्या पाठिंब्यावर मुख्यमंत्री एकनाथ शिंदे यांनी राज्यात महायुतीचे सरकार स्थापन केले. शिवाय जुलै २०२३ मध्ये राष्ट्रवादी कॉंग्रेसमध्ये अजित पवार गट फुटून बाहेर पडला आणि महायुती सरकारमध्ये सामील झाला. विरोधी पक्षातील शिवसेनेचे पक्षप्रमुख उद्धव ठाकरे, राष्ट्रवादीचे अध्यक्ष शरद पवार आणि कॉंग्रेस पक्ष एकत्र आल्यामुळे महाराष्ट्राची २०२४ सालची विधानसभा निवडणूक अटीतटीची होणार आहे.

आगामी निवडणुकांसंदर्भात वारंवार विचारले जाणारे प्रश्न (FAQs)

महाराष्ट्र विधानसभा निवडणुकीचे वेळापत्रक कधी जाहीर होणार?

निवडणूक आयोगाद्वारे महाराष्ट्र विधानसभा निवडणुकीचे वेळापत्रक सप्टेंबर २०२४च्या शेवटच्या आठवड्यात जाहीर होणार आहे. निवडणूक ऑक्टोबर २०२४ मध्ये होण्याची शक्यता आहे.

महाराष्ट्र विधानसभा निवडणुकीत कोणकोणत्या पक्षांची युती आहे?

आतापर्यंत मिळालेल्या माहितीनुसार महाराष्ट्र विधानसभा निवडणुकीत भाजप, शिवसेना (बाळासाहेब ठाकरे), राष्ट्रवादी कॉंग्रेस (अजित पवार गट), प्रहार, राष्ट्रीय समाज पक्ष, जनसुराज्य शक्ती आणि आरपीआय (आठवले) यांची युती आहे. तर विरोधी पक्षांमध्ये कॉंग्रेस, शिवसेना (उद्धव बाळासाहेब ठाकरे), राष्ट्रवादी कॉंग्रेस (शरद पवार), समाजवादी पार्टी, सीपीएम, शेकाप, स्वाभिमानी पक्ष आणि वंचित बहुजन आघाडी या पक्षांचा समावेश आहे.