Sangli Crime News: क्षुल्लक कारणावरून गुप्तांगावर धारदार शस्त्रानं वार, बेदम मारहाणीत तरुणाचा मृत्यू

Sangli Crime News Marathi : पानपट्टीची तोडफोड केल्याच्या क्षुल्लक कारणावरून एका तरुणाच्या तोंडावर आणि गुप्तांगावर वार करून त्याची हत्या करण्यात आल्याची धक्कादायक घटना समोर आली आहे. त्यामुळं सांगलीत खळबळ उडाली असून आता या प्रकरणात महात्मा फुले चौक पोलिसांनी तात्काळ कारवाई करत हल्लेखोर आरोपीला बेड्या ठोकल्या आहेत.

मिळालेल्या माहितीनुसार, मयत जीलानी कुडचिकर याचे पानपट्टी तोडल्याच्या कारणावरून आरोपी गणेश खन्ना नायडूशी वाद झाले होते. त्यात दोघांमध्ये शिवीगाळ झाली. आणि संतापलेल्या आरोपी नायडूनं जीलानीच्या पोटावर, तोंडावर आणि गुप्तांगावर धारदार शस्त्रानं वार केले, त्यात जीलानी हे जखमी झाले. स्थानिकांना या हाणामारीची माहिती मिळताच त्यांनी हा वाद मिटवत जिलानी यांना उपचारासाठी रुग्णालयात दाखल केलं होतं. परंतु उपचारादरम्यान जिलानीचा मृत्यू झाला आहे.

Shiv Sena : मुख्यमंत्र्यांवर बोलताना विनायक राऊतांची जीभ घसरली, शिवीगाळ करत म्हणाले...

आरोपी सराईत गुन्हेगार...

या प्रकरणाची माहिती मिळताच महात्मा फुले चौक पोलिसांनी घटनास्थळी दाखल होत प्रकरणाचा तपास करायला सुरुवात केली. त्यानंतर त्यांनी सापडलेल्या पुराव्यांच्या आधारावर आरोपी गणेश खन्ना नायडू याला अटक केली. परंतु पोलीस ठाण्यात रेकॉर्ड तपासलं असता तो सराईत गुन्हेगार असल्याचं सिद्ध झालं आहे.

Sharad pawar: ‘एकच मुलगी, बरं वाईट झालं तर चितेला अग्नी कोण देणार?’ पवारांनी सांगितला एक जुना किस्सा

याआधी दरोडा, चोरी आणि हाणामारीच्या अनेक घटनांमध्ये तो आरोपी होता. त्यानंतर आता त्यानं एका तरुणाचा खून केल्यानं शहरात खळबळ उडाली आहे. त्यामुळं आता या आरोपीला कठोर शिक्षा व्हावी, अशी मागणी मयत जिलानीच्या कुटुंबियांनी केली आहे.

Rain Updates : जायकवाडी आणि उजनी फुल्ल, विसर्ग वाढवला; नदीकाठच्या गावांना सतर्कतेचा इशारा