Panvel Suicide: लग्नास नकार दिल्याने पनवेलच्या आदिवासी पाड्यावरील प्रेमीयुगुलाची आत्महत्या

पनवेल : घरच्यांनी लग्नास नकार दिल्याने पनवेलमधील तावरवाडी येथील आदिवासी पाड्यावरील एका तरुणाने आणि अल्पवयीन मुलीने जंगलात जाऊन विष घेत आत्महत्या केली. ही घटना शुक्रवारी रात्री घडली. त्यांना दवाखान्यात भरती करण्यात आले. मात्र, उपचारा दरम्यान दोघांचाही मृत्यू झाला. दरम्यान, विष घेण्यापूर्वी मुलीने आईला फोन करत आपण आत्महत्या करत असल्याचे सांगितले.

प्रेमीयुगुलाने एकमेकांच्या मिठ्ठीत संपवले जीवन, आता दोघांचा पुतळा बनवून लावले लग्न; काय आहे प्रकरण?

पोलिसांनी दिलेल्या महितीनुसार पनवेलमधील तावरवाडी येथील आदिवासी पड्यावर हे दोघे राहतात. दोघेही नात्यात आहेत. त्यांचे एकमेकांवर प्रेम होते. मात्र, त्यांच्या लग्नाला घरच्यांचा विरोध होता. दरम्यान दोघेही शुक्रवारी रात्री ही मित्राकडे टीव्ही पाहण्यास जातो असे सांगून घराबाहेर पडले. मात्र, ते घरी न आल्याने घरंच्यांनी त्यांचा शोध घेण्यास सुरुवात केली. दरम्यान, शनिवारी पहाटे ३ च्या सुमारास मुलीने तरुणाच्या फोनवरुन तिच्या आईला फोन केला आणि आपण कीटकनाशक घेतले असून घरापासून दोन किमी अंतरावर असलेल्या जंगलात असल्याची माहिती दिली. दरम्यान, घरच्यांनी ही बाब पोलिसांना सांगितली. कुटुंबीयांनी आणि पोलिसांनी त्यांचा शोध सुरू केला. तब्बल दोन तासानंतर दोघेही जंगलात शुद्ध हरपलेल्या अवस्थेत आढळले. घरच्यांनी त्यांना तातडीने दवाखान्यात नेले. मात्र, उपचारा दरम्यान त्यांचा मृत्यू झाला.

Beed Crime News : मयत शेतकऱ्याच्या खात्यातून पैसे हडपले; बीडमध्ये तीन अधिकारी निलंबित

या बाबत माहिती देतांना पोलिस निरीक्षक अनिल पाटील म्हणाले, दोघांमध्ये प्रेमसंबंध होते. पण ते नात्यात होते. घरचे त्यांच्या नात्याला मान्यता देणार नाही याची जाणीव त्यांना होती. यामुळे त्यांनी हे टोकाचे पाऊल उचलले. जर दोघे लवकर सापडले असते तर त्यांचा जिव वाचला असता असे देखील पाटील म्हणाले. घटनास्थली कीटकनाशक सापडले असून पोलिस पुढील तपास करत आहेत.