Cleaning Tips: किचनमध्ये ठेवलेली प्लास्टिकची भांडी अशा प्रकारे करा स्वच्छ, लगेच निघतील घाणेरडे डाग

Tips to Clean Plastic Utensils: बहुतेक घरांमध्ये प्लेट, लहान मुलांचे टिफिन आणि कंटेनर प्लास्टिकचे बनलेले असतात. हे खूप छान दिसतात. पण त्यांच्यावर एक डागही दिसला तर त्यांचे सौंदर्य बिघडते. प्लास्टिकची भांडी लवकर घाण होतात. विशेषत: प्लॅस्टिकच्या प्लेटमध्ये काही खाल्ल्यानंतर त्यावर तेल किंवा हळदीचे डाग राहतात. अशा स्थितीत ही भांडी साफ करताना खूप काळजी घ्यावी लागते. जर तुमच्या घरात प्लास्टिकचे डबे किंवा भांडी असतील आणि ती खूप घाण झाली असतील तर तुम्ही त्यांना स्वच्छ करण्यासाठी या टिप्स फॉलो करू शकता. हे खूप उपयुक्त आहेत. आणि प्लास्टिकच्या भांड्यावरील डाग लगेच निघतील.

Khas-Khas Benefits: खूप उपयुक्त आहे बारीक दिसणारी खसखस, याचे उपयोग आणि फायदे माहीत आहेत का?

प्लास्टिकची भांडी स्वच्छ करण्यासाठी टिप्स

बेकिंग सोडा वापरा

कोणत्याही प्रकारचे डाग साफ करण्यासाठी बेकिंग सोडा उत्तम आहे, विशेषतः जर डाग तेलाचे असतील. यासाठी फक्त एक किंवा दोन चमचे पाण्यात बेकिंग सोडा टाकून त्याची पेस्ट बनवा. आता ही पेस्ट घाणेरडी प्लेट किंवा डब्यावर लावा. आता काही वेळ तसेच राहू द्या. नंतर ते स्वच्छ करण्यासाठी ओले कापड वापरा.

Kitchen Tips: रव्यामध्ये अळ्या, जाळी धरते का? फॉलो करा शेफ पंकजच्या या टिप्स

डाग दूर करेल लिंबू

आंबट लिंबाच्या आम्लीय शक्तीमुळे घाणेरडी भांडी आणि कंटेनर स्वच्छ होतात. यासाठी फक्त लिंबाचा रस जिथे डाग आहे तिथे चोळा आणि एक-दोन दिवस उन्हात ठेवा. नंतर डिश साबणाने धुवा.

Bathroom Cleaning Tips: पांढरे डाग दूर होऊन नळ चमकतील नव्यासारखे, फक्त करा या गोष्टी

ब्लीच लावा

प्लॅस्टिकवरील डाग क्लोरीन ब्लीचने सुद्धा काढता येतात. यासाठी एक कप पाण्यात एक चमचा ब्लीच मिक्स करा आणि ते विरघळवा. नंतर या द्रावणात कंटेनर आणि इतर वस्तू भिजण्यासाठी एक ते दोन तास ठेवा. डाग निघाल्यानंतर कंटेनर स्वच्छ धुवा आणि वाळवा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी' याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)