Holi Recipe: होळीच्या दिवशी घरी बनवा कुरकुरे, मार्केटसारखी टेस्ट देईल ही रेसिपी

Kurkure Recipe: होळीच्या दिवशी प्रत्येक घरात मठरी, शेव असे विविध नमकीनचे पदार्थ बनवले जातात. मात्र भरपूर पदार्थ असूनही मुले पॅकेट चिप्स आणि कुरकुरे खाण्याची मागणी करतात. अशा परिस्थितीत तुम्हाला हवे असेल तर तुम्ही घरच्या घरी मुलांसाठी टेस्टी आणि क्रिस्पी कुरकुरे बनवू शकता. हे बनवायला खूप सोपे आहे आणि काही वेळात तयार होईल. ही सोपी रेसिपी फॉलो करून तुम्ही घरच्या घरी मार्केटसारखे कुरकुरे बनवू शकता.

Thandai Recipe: होळीला बनवा स्पेशल थंडाई चीज केक, पाहा शेफ पंकजची ही रेसिपी

कुरकुरे बनवण्यासाठी साहित्य

- ३-४ बटाटे

- एक वाटी तांदूळ

- एक चमचा पेरी पेरी मसाला

- मॅगी मसाला

- तिखट

- धनेपूड

- जिरेपूड

- चवीनुसार मीठ

Holi Recipe: न तळता देखील बनवता येतात दही वडे, बनवण्यासाठी फॉलो करा ही रेसिपी

कुरकुरे बनवण्याची पद्धत

घरी कुरकुरे बनवण्यासाठी प्रथम एक कप तांदूळ स्वच्छ धुवून भिजवा. नंतर तीन ते चार बटाटे उकळून घ्या. तासाभरात तांदूळ पूर्णपणे भिजतील. नंतर हे तांदूळ ग्राइंडरच्या भांड्यात टाकून त्याची पेस्ट बनवा. पेस्ट खूप पातळ नसावी याची खात्री करा. कमी पाणी घालून तांदूळ बारीक करा. नंतर उकडलेले बटाटे सोलून ग्राइंडरच्या जारमध्ये टाकून बारीक करा. द्रावण घट्ट राहिले पाहिजे. आता या बटाटे आणि तांदळाच्या मिश्रणात पेरी पेरी मसाला, मीठ, तिखट, मॅगी मसाला, भाजलेले जिरेपूड, भाजलेली धनेपूड घालून मिक्स करा. पॉलिथिनचा कोन बनवा किंवा बॉटलला लहान छिद्र करा. आता हे तयार द्रावण चांगले फेटून घ्या. जेणेकरून ते फुलेल. आता तेल गरम करा आणि बाटलीतून झिग-झॅग आकाराचे कुरकुरे स्क्वीज करून घ्या. सोनेरी तळून घ्या. आणि नंतर थंड करा. तुमचे कुरकुरे तयार आहे.