Arvind Kejriwal : केजरीवालांच्या कोठडीत वाढ; म्हणाले, मोदी जे करतायत ते देशासाठी चांगलं नाही!
Apr 01, 2024, 01:18 PM IST
Arvind Kejriwal custody extended : दिल्लीतील कथित मद्य घोटाळ्याच्या प्रकरणी अटक करण्यात आलेले दिल्लीचे मुख्यमंत्री अरविंद केजरीवाल यांच्या कोठडीत वाढ करण्यात आली आहे
Arvind Kejriwal custody extended : दिल्लीतील कथित मद्य घोटाळ्याच्या प्रकरणी अटक करण्यात आलेले दिल्लीचे मुख्यमंत्री अरविंद केजरीवाल यांच्या कोठडीत वाढ करण्यात आली आहे
Arvind Kejriwal custody extended : दिल्लीतील कथित मद्य घोटाळ्याच्या प्रकरणी अटक करण्यात आलेले दिल्लीचे मुख्यमंत्री अरविंद केजरीवाल यांच्या कोठडीत वाढ करण्यात आली आहे
Arvind Kejriwal news : दिल्लीतील कथित मद्य उत्पादन शुल्क घोटाळ्याप्रकरणी दिल्लीचे मुख्यमंत्री अरविंद केजरीवाल यांच्या न्यायालयीन कोठडीत १४ दिवसांची वाढ करण्यात आली आहे. न्यायालयात येण्याआधी मीडियाशी बोलताना केजरीवाल यांनी पंतप्रधान नरेंद्र मोदी (Narendra Modi) यांच्यावर निशाणा साधला.
Air India flight catches fire: इंजिनला आग लागल्याने विमानाचे इमर्जन्सी लँडिंग, सहा क्रू मेंबर्ससह १७९ प्रवासी सुरक्षित
Trending News : मुंबईचा डान्सर पोलीस कॉन्सटेबल अमोल कांबळेचा जर्मन TikToker नोएल रॉबिन्सनसोबत धम्माल डान्स पाहिला का?
धक्कादायक..! लग्नास नकार दिल्याने मुलीच्या संपूर्ण कुटूंबालाच संपवले, ५ जणांची हत्या करून तरुणाने घेतला गळफास
DA Hike : केंद्रीय कर्मचाऱ्यांसाठी आनंदाची बातमी! ५४ टक्के महागाई भत्ता, ८ व्या वेतन आयोगसंदर्भातही आली मोठी अपडेट
केजरीवाल यांच्या कोठडीची मुदत आज, १ एप्रिल रोजी संपत आहे. त्या पार्श्वभूमीवर आज त्यांना दिल्ली राऊज एव्हेन्यू कोर्टात हजर करण्यात आलं. त्यावेळी मीडियानं त्यांना गाठण्याचा प्रयत्न केला. त्यावेळी केजरीवाल एक वाक्य बोलले. 'पंतप्रधान नरेंद्र मोदी जे करत आहेत, ते देशासाठी चांगलं नाही, असं केजरीवाल म्हणाले.
केजरीवाल तपासात सहकार्य करत नाहीत - ईडी
अंमलबजावणी संचालनालयानं (ED) केजरीवाल यांना न्यायालयीन कोठडी देण्याची मागणी केली होती. एएसजी एस. व्ही. राजू यांनी ईडीची बाजू मांडली. केजरीवाल हे तपासात सहकार्य करत नाहीत आणि सतत उडवाउडवीची उत्तरे देत आहेत, असं सांगत ईडीनं केजरीवाल यांच्या न्यायालयीन कोठडीची मागणी केली होती. केजरीवाल यांना तूर्त न्यायालयीन कोठडी सुनावण्यास हरकत नाही, मात्र नंतर ईडीला त्यांच्या आणखी कोठडीची आवश्यकता लागू शकते, असं राजू यांनी खंडपीठापुढं सांगतिलं.
पुढचे १५ दिवस तिहार तुरुंगात
केजरीवाल यांना कोर्टात आणलं गेलं तेव्हा त्यांच्या पत्नी सुनीता केजरीवाल आणि 'आप'च्या नेत्या आतिशीही कोर्टात हजर होत्या. न्यायालयाच्या निर्णयानंतर केजरीवाल आता पुढील १५ दिवस तिहार तुरुंगात राहणार आहेत.
दिल्लीतील कथित दारू घोटाळ्याप्रकरणी ईडीनं केजरीवाल यांना अटक केली आहे. या संपूर्ण घोटाळ्याचे सूत्रधार केजरीवाल असल्याचा ईडीचा दावा आहे. अटकेनंतर सुरुवातीला केजरीवाल यांना ७ दिवसांच्या ईडी रिमांडवर पाठवण्यात आलं होतं. त्यानंतर २८ मार्च रोजी केजरीवाल यांना पुन्हा न्यायालयात हजर करण्यात आलं आणि ईडीची कोठडी १ एप्रिलपर्यंत वाढवण्यात आली. आज ही मुदत संपल्यानंतर न्यायालयानं केजरीवाल यांना १४ दिवसांची कोठडी सुनावली.