India-China Standoff : तवांगच्या उंच पर्वत रांगा हडपण्याचा चीनी सैनिकांचा डाव भारतीय सैनिकांनी उधळला

दिल्ली : तवांगच्या यांगस्ते परिसरात चीनी सैनिकांनी ९ डिसेंबर रोजी केलेल्या घुसखोरीसंदर्भात रोज नवी माहिती पुढे येत आहे. लष्कराशी संबंधित सूत्रांनी सांगितले की, चीनी सैनिक येथील उंच पर्वत रंगणवर ताबा मिळवण्याच्या प्रयत्नात होते. मात्र, संतर्क असलेल्या भारती सैनिकांनी चीनी सैनिकांचा डाव उधळला. त्यांना लाकडी आणि लोखंडी दांडक्यांनी चोप देऊन त्यांना परत पाठवले.

९ डिसेंबर रोजी तवांग येथील एका परिसरात भारत आणि-चीन यांच्यात झडप झाली. ज्या ठिकाणी ही झडप झाली ते क्षेत्र तवंग पासून ३८ किमी अंतरावर आहे. या क्षेत्रात उंच पर्वत रांगा आहेत. यातील एक डोंगर हा तब्बल १७ हजार फुटांपेक्षा देखील उंच आहे. सामरिक दृष्ट्या हा डोंगर अतिशय महत्वाचा आहे. या डोंगराचा मोठा भाग हा भारतीय हद्दीत येतो. भारतीय सेना या परीसारात बळकट आहे. सूत्रांनी दिलेल्या माहितीनुसार या पर्वतावर चीनी सैनिकांना ताबा मिळवायचा होता. त्यामुळे ते मोठ्या संखेने आले. या पूर्वीही गेल्या वर्षी ऑक्टोबर महिन्यात चीनी सैनिकांनी याच प्रकारे घुसखोरी करण्याचा प्रयत्न केला होता.

चीनी सैनिकांनी केलेल्या घुसखोरीचा हा प्रयत्न पूर्वनियोजित होता. त्यांनी २०२० मध्ये देखील असाच घुसखोरीचा प्रयत्न केलेला. लडाख परिसरात चीनी सनिकांनी फींगर ४ पासून ते फींगर ८ पर्यन्तच्या डोंगरांवर घुसखोरी केली होती. मात्र, भारतीय लष्कर तातडीने सक्रिय झाल्यावर चीनी सैनिकांनी माघार घेतली होती. लडाख येथील घटनेनंतर या परिसरात लष्कर सतर्क असून चीनी सैनिकांवर बारीक लक्ष ठेवून आहे. मिळणाऱ्या प्रतेक माहितीवर भारतीय सैनिक तातडीने कारवाई करत आहे.