Fire In Firecrackers Shop : आंध्र प्रदेशात फटाक्यांच्या दुकानाला आग; दोघांचा होरपळून मृत्यू

Fire In Firecrackers Shop Vijayawada Andhra Pradesh : दिवाळीचा सण काही तासांवर येऊन ठेपलेला असतानाच आता आंध्रप्रदेशातील विजयवाडा शहरात फटाक्यांच्या शॉपला आग लागल्याची धक्कादायक घटना समोर आली आहे. त्यात दोन जणांचा होरपळून मृत्यू झाला आहे. जेव्हा ही आग लागली तेव्हा फटाके खरेदी करण्यासाठी स्टॉलवर अनेक लोकांनी गर्दी केली होती. त्यामुळं मृतांचा आकडा वाढण्याची शक्यता आहे. सुरुवातीला ही आग केवळ एकाच दुकानात लागली होती. परंतु दुकानं एकमेकांना खेटून असल्यानं आगीनं उग्र रुप धारण केलं ज्यात संपूर्ण दुकानांना आग लागली. त्याचा व्हिडिओही सोशल मीडियावर व्हायरल होत आहे.

आग लागल्यानंतर अग्निशमन दलाच्या गाड्या घटनास्थळी दाखल झाल्या असून आग विझवण्यासाठी शर्थीचे प्रयत्न सुरु आहेत. याशिवाय दोन जणांचा आगीत होरपळल्यानं मृत्यू झाल्याचीही माहिती समोर येत आहे. त्यामुळं आता प्रशासनानं मदत व बचावकार्य सुरू केलं आहे.

प्रेमात धोका दिल्यानं प्रियकरानं युवतीचा गळा चिरून केली आत्महत्या; धक्कादायक घटनेनं यवतमाळमध्ये खळबळ

दिवाळीच्या सणाला देशातील अनेक शहरांमध्ये फटाक्याचे स्टॉल लागलेले आहेत. फटाक्यांची विक्री करताना व्यापाऱ्यांकडून सुरक्षेचे अनेक नियम पायदळी तुडवले जातात. त्यातच आता दिवाळीच्या आधीच विजयवाड्यात फटाक्यांच्या दुकानांना आग लागल्यानं देशभरात खळबळ उडाली आहे.

Rananjay Singh : प्रवचन देताना आला हार्ट अटॅक, प्राध्यापकाचा स्टेजवरच मृत्यू; पाहा व्हिडिओ

मुंबईत बेकायदा फटाक्यांच्या दुकानांवर बंदी...

ग्राहकांच्या सुरक्षिततेचा मुद्दा लक्षात घेता पोलिसांनी मुंबईत बेकायदा फटाक्यांच्या दुकानांवर बंदी घातली आहे. ज्या व्यापाऱ्यांनी रितसर परवानगी घेऊन आणि सुरक्षेच्या नियमांचं पालन केलं आहे, त्यांनाच फटाक्यांच्या विक्रीसाठी मुंबईत परवानगी देण्यात आली आहे.