VIRAL VIDEO : हॉटेलमध्ये पोरींचा तुफान राडा; एकटीनं दोघींना फिल्मी स्टाईलनं चोपलं!

Viral On Social Media : फक्त मुलंच भांडणं किंवा हाणामारी करतात, असं नाही. अनेकदा नळावर किंवा मुंबईच्या लोकलमध्ये तुम्ही मुलींच्या हाणामारीचे किंवा भांडण झालेले व्हिडिओ पाहिलेले असतील, मुली या अगदी क्षुल्लक कारणावरून भांडतात, अशाच एका क्षुल्लक कारणावरून हॉटेलमध्ये बसलेल्या मुलींमध्ये जोरदार हाणामारी झाल्याचं पाहायला मिळत असून त्याचा व्हिडिओही सध्या सोशल मीडियावर चांगलाच व्हायरल होताना दिसत आहे.

@ViciousVideos या ट्विटर अकाऊंटवरून पोस्ट करण्यात आलेल्या व्हिडिओनुसार, एका हॉटेलमध्ये तिन मैत्रिणी बसलेल्या होत्या, परंतु त्यांच्यात काही कारणांवरून वाद झाला, त्यामुळं त्यांच्यात वाद इतका वाढला की त्या एकमेकांना शिव्या देऊ लागल्या, सुरुवातीला खाली बसलेल्या एका तरुणीनं हे सर्व प्रकरण शांतपणे ऐकून घेतलं परंतु जेव्हा तिला राग आला तेव्हा ती आउट ऑफ कंट्रोल झाली आणि एकटीनं दोन तरुणींना फिल्मी स्टाईनं चोप दिला आहे.

व्हायरल होत असलेल्या व्हिडिओमध्ये दोन तरुणी या एका तरुणीला हॉटेलमधून बाहेर जायला सांगत होत्या, ती एकटी तरुणी या दोघींशी बोलत होती, परंतु दोन तरुणी तिच्यासोबत उद्धटपणे बोलत असल्याचं व्हिडिओत दिसून येत आहे. परंतु काही वेळानं त्या दोन तरुणी तिला काही तरी बोलतात, त्यामुळं एकट्या तरुणीला प्रचंड राग येतो आणि ती दोघींवर हल्ला चढवते.

एकटी तरुणी इतर दोन तरुणींना ज्या पद्धतीनं मारत आहे, ते पाहून अनेकांना धक्का बसला आहे. हाणामारी झाल्यानंतर हॉटेलमध्ये बसलेले काही लोक आणि कर्मचारी मारहाण करणाऱ्या तरुणीला बाजूला करतात आणि तिघींना बाहेर काढतात. परंतु या घटनेचा व्हिडिओ सध्या सोशल मीडियावर चांगलाच व्हायरल होत असून अनेक सोशल मीडिया युजर्सनं या व्हिडिओवर प्रतिक्रिया दिली आहे.