Crime News : भाजप खासदाराला व्यापाऱ्यानं लावला तीन कोटींचा चुना; पोलिसांत तक्रार दाखल

Gorakhpur UP Crime News : अभिनेते आणि भाजप खासदार रवी किशन यांची सव्वातीन कोटी रुपयांची फसवणूक झाल्याची धक्कादायक घटना समोर आली आहे. मुंबईती एका व्यापाऱ्यानं रवी किशन यांना गंडा घातल्यानंतर आता किशन यांनी या घटनेबाबत पोलिसांत तक्रार दाखल केली आहे. त्यामुळं आता एका भाजप खासदारालाच कोट्यवधींचा गंडा घातल्यानं देशभरात खळबळ उडाली आहे.

मिळालेल्या माहितीनुसार, खासदार रवी किशन यांनी २०१२ साली मुंबईतील व्यापारी जितेंद्र जैन यांना ३.२५ कोटी रुपये दिले होते. त्यानंतर खासदार रवी किशन यांनी आरोपी जितेंद्रला पैसे परत मागितले तेव्हा त्यानं ३४ लाखांचे १२ चेक दिले. परंतु किशन यांनी ते चेक एसबीआयच्या गोरखपूर शाखेत ते जमा केले असता ते चेक बाऊंस झाले. त्यामुळं त्यांनी आरोपी जितेंद्रला याबाबत माहिती विचारली असता त्यानं उडवाउडवीची उत्तरं द्यायला सुरुवात केली. रवी किशन यांना आपली फसवणूक झाल्याचं लक्षात आल्यानंतर त्यांनी याबाबत पोलिसांत तक्रार दिली आहे.

Viral News : मोक्षप्राप्तीसाठी तरुणानं स्वत:ला जमिनीत घेतलं गाडून; अवस्था पाहून पोलिसही चक्रावले

पोलिसांनी दिलेल्या माहितीनुसार, या प्रकरणात रवी किशन यांनी तक्रार दाखल केल्यानंतर या प्रकरणाचा तपास सुरू झाला आहे. आरोपीला लवकरात लवकर अटक करण्यात येईल, असं पोलिसांनी सांगितलं आहे. दरम्यान गेल्या काही दिवसांपूर्वीच रवी किशन यांच्या भावाचा मृत्यू झाला होता. त्यानंतर गेल्या अनेक दिवसांपासून त्यांच्या आईंना कॅन्सर झाल्यामुळं त्यांच्यावर मुंबईतील एका रुग्णालयात उपचार सुरू आहे. त्यामुळं अशा संकटकाळात रवी किशन यांची आर्थिक फसवणूक झाल्यानं खळबळ उडाली आहे.

Saraswati : सरस्वतीनं शिकवलं नाही तर पूजा कशासाठी?, भुजबळांच्या वक्तव्यावर ब्राह्मण महासंघाचा आक्षेप