Hingoli News : शिंदे गटाचे आमदार लग्नात येताच ‘पन्नास खोके-एकदम ओके’च्या घोषणा, नेत्यांसह कार्यकर्त्यांची धावपळ

Shinde group MLA Santosh Bangar In Hingoli : लग्नसोहळ्यासाठी आलेल्या शिंदे गटाच्या आमदाराविरोधात '५० खोके एकदम ओके'च्या घोषणा देण्यात आल्याचा धक्कादायक प्रकार समोर आला आहे. शिंदे गटाचे आमदार आमदार संतोष बांगर यांच्यासमोर ठाकरे गटाच्या कार्यकर्त्यांनी जोरदार घोषणाबाजी करत परिसर दणाणून सोडला. त्यानंतर ठाकरे गटाच्या कार्यकर्त्यांना शांत करण्यासाठी नेते तसेच कार्यकर्त्यांची चांगलीच धावपळ उडाल्याची पाहायला मिळाली. लग्नसमारंभात '५० खोके एकदम ओके'च्या घोषणा देण्यात येत असल्याचं समजताच शिंदे गटाचे आमदार संतोष बांगर यांनी कार्यक्रमातून तातडीने काढता पाय घेतला. सध्या या घटनेचा एक व्हिडिओ सोशल मीडियावर चांगलाच व्हायरल होत आहे.

मिळालेल्या माहितीनुसार, परभणीतील देवेगाव येथे एक लग्नसोहळा आयोजित करण्यात आला होता. या लग्नसोहळ्याला खासदार संजय जाधव यांनी हजेरी लावली होती. तसेच लग्नसोहळा सुरू झाल्यानंतर शिंदे गटाचे आमदार संतोष बांगर हे देखील देवेगावात दाखल झाले. आमदार संतोष बांगर यांनी खासदार संजय जाधव यांचा आशिर्वाद घेतला आणि त्यानंतर अचानक '५० खोके एकदम ओके'ची घोषणाबाजी सुरू झाली. त्यावेळी ठाकरे आणि शिंदे गटाच्या कार्यकर्त्यांनी एकमेकांविरोधात जोरदार घोषणाबाजी केल्यामुळं घटनास्थळी काही वेळ तणावाचं वातावरण निर्माण झालं होतं.

Brijendra Singh : कुस्तीपटूंच्या बाजूनं भाजपच्या खासदारानं दंड थोपटले; आता सरकार काय करणार?

ठाकरे आणि शिंदे गटाचे कार्यकर्ते एकमेकांविरोधात जोरदार घोषणाबाजी करत असताना स्थानिक नेते तसेच ज्येष्ठांनी पुढाकार घेत कार्यकर्त्यांना शांत केलं. त्यामुळं मोठा अनर्थ टळला. काहींनी हे राजकीय व्यासपीठ नाही, त्यामुळं लग्नात विघ्न आणू नका, अशी विनंती केल्यानंतर दोन्ही गटाचे कार्यकर्ते लग्नसमारंभातून निघून गेले. यापूर्वी उदय सामंत, दीपक केसरकर, अब्दुल सत्तार यांच्यासह शिंदे गटाच्या अनेक आमदारांसमोर ठाकरे गटाच्या कार्यकर्त्यांनी '५० खोके एकदम ओके'च्या घोषणा दिलेल्या आहे. परंतु आता शिंदे गटाचे आमदार संतोष बांगर यांच्यासमोर '५० खोके एकदम ओके'च्या घोषणा देण्यात आल्यामुळं यावरून राजकीय वाद पेटण्याची शक्यता आहे.

The Kerala Story OTT: ‘द केरळ स्टोरी’ ओटीटी प्लॅटफॉर्मवर झळकणार; कधी आणि कुठे?