Lok Sabha Election 2024: लोकसभेची रणनीती आखण्यासाठी संघाचे बडे नेते नागपुरात एकवटले!
Mar 15, 2024, 09:12 AM IST
RSS Nagpur Sabha: लोकसभा निवडणुकीच्या पार्श्वभूमीवर नागपुरात राष्ट्रीय स्वयंसेवक संघाची बैठक पार पडणार आहे. या बैठकीला भाजप नेते जेपी नड्डा यांच्यासह वरिष्ठ पदाधिकारी उपस्थित राहणार आहेत.
RSS Nagpur Sabha: लोकसभा निवडणुकीच्या पार्श्वभूमीवर नागपुरात राष्ट्रीय स्वयंसेवक संघाची बैठक पार पडणार आहे. या बैठकीला भाजप नेते जेपी नड्डा यांच्यासह वरिष्ठ पदाधिकारी उपस्थित राहणार आहेत.
RSS Nagpur Sabha: लोकसभा निवडणुकीच्या पार्श्वभूमीवर नागपुरात राष्ट्रीय स्वयंसेवक संघाची बैठक पार पडणार आहे. या बैठकीला भाजप नेते जेपी नड्डा यांच्यासह वरिष्ठ पदाधिकारी उपस्थित राहणार आहेत.
Lok Sabha Election 2024: आगामी लोकसभा निवडणुकीच्या पार्श्वभूमीवर नागपुरात राष्ट्रीय स्वयंसेवक संघाची आजपासून तीन दिवसीय महत्त्वाची बैठक पार पडणार आहे. या बैठकीत भाजपला लोकसभा निवडणुकीत ३५० हून अधिक जागा जिंकण्याचे उद्दिष्ट साध्य करण्याच्या रोडमॅपवर चर्चा करण्यात येईल. तसेच समान नागरी कायद्याची देशव्यापी अंमलबजावणी, मणिपूर संघर्ष, शेतकरी आंदोलन यांसारख्या महत्त्वाच्या मुद्द्यावर चर्चा केली जाण्याची शक्यता आहे.
पक्षाचे अध्यक्ष जेपी नड्डा, सरचिटणीस सुनील बन्सल आणि सरचिटणीस बी. एल. संतोष यांच्यासह भाजपचे वरिष्ठ पदाधिकारी या बैठकीला उपस्थित राहणार आहेत. २०२५ मध्ये संघाचे शताब्दी वर्ष साजरे होत असताना संघासाठी कठोर परिश्रम घेण्याचे निर्देश राष्ट्रीय स्वयंसेवक संघाच्या पदाधिकाऱ्यांना दिले जातील, अशी अपेक्षा आहे.
SC to Ajit Pawar : शरद पवारांचा फोटो आणि नाव वापरू नका; सुप्रीम कोर्टाने अजित पवारांना फटकारले!
आगामी निवडणुकीत भाजपला आणि एनडीएला ४०० जागा मिळवून देण्याचे महत्त्वाकांक्षी उद्दिष्ट साध्य करण्यासाठी या बैठकीत रणनीती आखण्यात येणार आहे. केंद्रीय गृहमंत्री अमित शहा यांच्या मार्गदर्शनाखाली भाजपमधील प्रमुख रणनीतीकार संतोष पक्षाची निवडणूक रणनीती मांडणार आहेत. राष्ट्रीय स्वयंसेवक संघाच्या नेतृत्वाकडून माहिती घेणार आहेत. या बैठकीला भाजपसह राष्ट्रीय स्वयंसेवक संघ आणि त्याच्याशी संबंधित संघटनांचे सुमारे १५५० प्रमुख पदाधिकारी उपस्थित राहणार आहेत. राष्ट्रीय स्वयंसेवक संघाचे सरसंघचालक मोहन भागवत आणि दत्तात्रय होसबळे या कार्यक्रमात संघ परिवारातील ज्येष्ठ सदस्यांना संबोधित करणार आहेत.
pratibha patil health news : माजी राष्ट्रपती प्रतिभा पाटील यांची प्रकृती बिघडली; पुण्यातील रुग्णालयात दाखल
अयोध्येत राम मंदिराच्या ऐतिहासिक अभिषेकाचा फायदा भाजपला निवडणुकीत व्हावा, तसेच लोकसंख्येच्या आव्हानांना तोंड देण्यासाठी लोकसंख्या नियंत्रण धोरण आखण्यावरही चर्चा होणार आहे. मणिपूरमधील आंतरजातीय संघर्ष सोडविणे आणि सरकारकडून शेतमालाला किमान आधारभूत किंमत देण्याबाबत आंदोलक शेतकऱ्यांच्या चिंता दूर करणे या दोन विषयांवर संघाशी संलग्न संघटना, विशेषत: भारतीय किसान संघ बैठकीत सादरीकरण करणार आहेत.
नागपूर येथील संघाच्या मुख्यालयात दर तिसऱ्या वर्षी होणाऱ्या एबीपीएसच्या बैठकीत भारतीय राज्यघटनेच्या आगामी ७५ व्या वर्धापन दिनानिमित्त सामाजिक सलोखा, पर्यावरणविषयक प्रश्न, स्वच्छता आणि नागरिकांच्या जबाबदाऱ्या या विषयांवर ही चर्चा होणार आहे. एबीपीएस नवीन कार्यकारिणीची निवड करेल आणि होसबळे सरचिटणीसपदी कायम राहतील अशी अपेक्षा आहे.
राष्ट्रीय स्वयंसेवक संघ २०२५ मध्ये आपले शताब्दी वर्ष साजरे करण्याच्या तयारीत असताना, देशभरात आपला विस्तार आणि शाखांची संख्या एक लाखांपर्यंत वाढविण्याची योजनाही या बैठकीच्या अजेंड्यावर असेल.