Ramdas Athawale : रामदास आठवलेंची प्रकाश आंबेडकरांना खुली ऑफर, म्हणाले...

Ramdas Athawale On Prakash Ambedkar : कर्नाटक विधानसभेच्या निवडणुकीनंतर महाराष्ट्र, हरयाणा आणि लोकसभेच्या निवडणुकीची अनेक पक्षांनी तयारी सुरू केली आहे. मुंबई महापालिकेच्या निवडणुकीसाठी वंचित बहुजन आघाडीने ठाकरेंच्या शिवसेनेशी युती केलेली आहे. तर रामदास आठवलेंची आरपीआय भाजपसोबत आहे. त्यामुळं आता राज्यातील राजकीय समीकरणं बदलत असतानाच केंद्रीय मंत्री रामदास आठवले यांनी थेट प्रकाश आंबेडकरांना भाजपसोबत युती करण्याची खुली ऑफर दिली आहे. प्रकाश आंबेडकरांनी माझ्यासोबत यावं, त्यांना मी भाजपकडे घेऊन जातो. कारण उद्धव ठाकरेंसोबत राहून त्यांना काहीही मिळणार नाहीय, असं म्हणत रामदास आठवले यांनी आंबेडकरांना खुली ऑफर देत राजकीय खळबळ उडवून दिली आहे.

केंद्रीय मंत्री रामदास आठवले यांच्या रिपब्लिकन पार्टी ऑफ इंडियाचे राज्यस्तरीय अधिवेशन शिर्डीत पार पडलं. त्यावेळी कार्यकर्त्यांशी बोलताना रामदास आठवले म्हणाले की, उद्धव ठाकरे कसे आहेत, हे मला माहिती आहे. त्यामुळं प्रकाश आंबेडकर भाजपासोबत आले तर मी त्यांचं स्वागतच करेल. आरपीआयची ज्याच्याशी युती असते, तोच पक्ष देशात आणि राज्यात सत्तेत येत असतो. ही गोष्ट प्रकाश आंबेडकर यांनी लक्षात घेऊन आमच्यासोबत युती करावी, असं म्हणत रामदास आठवलेंनी प्रकाश आंबेडकरांना आघाडीसाठी साद घातली आहे.

Pune Fire : पुण्यातील कल्याणीनगर आयटी पार्कच्या पाचव्या मजल्यावर भीषण आग, अनेक कर्मचारी अडकले

आरपीआयच्या कार्यक्रमात बोलताना रामदास आठवले यांनी पक्षातील कार्यकर्त्यांना चांगलंच सुनावलं आहे. काही कार्यकर्त्यांमुळं पक्षाचा सत्यानाश होत आहे. नुसते फोटो काढून, गर्दी करून आणि केवळ घोषणाबाजी करणाऱ्यांमुळं पक्ष वाढणार नाहीय. नुसती फोकसगिरी करणाऱ्या कार्यकर्त्यांना पक्षाबाहेरचा रस्ता दाखवला जाईल, असं म्हणत केंद्रीय मंत्री रामदास आठवले यांनी कार्यकर्त्यांना खडेबोल सुनावले आहे.

Chhagan Bhujbal : देवळातल्या उघड्याबंब पुजाऱ्यांनीही सदरा घालावा; ड्रेसकोडवरून छगन भुजबळ बरसले