Samruddhi Mahamarg : समृद्धी महामार्गावर अग्नितांडव, केमिकलची वाहतूक करणाऱ्या ट्रकला भीषण आग

Buldhana Truck Accident On Samruddhi Mahamarg : समृद्धी महामार्गावर केमिकल घेऊन जाणाऱ्या ट्रकला भीषण आग लागल्याची धक्कादायक घटना समोर आली आहे. आग लागताच चालकाने खाली उडी मारल्याने त्याचा जीव वाचला आहे. परंतु ट्रक जळून खाक झाला आहे. परिणामी समृद्धी महामार्गावरील वाहतूक खोळंबल्याचं पाहायला मिळत आहे. बुलढाणा जिल्ह्यातील मेहकर नजीक ही घटना घडली आहे. ट्रकला आग लागण्याच्या घटनेत कोणतीही जीवीतहानी झाल्याचं वृत्त अद्याप समोर आलेलं आहे. त्यामुळं आता समृद्धी महामार्गावरील अपघातांचा मुद्दा पुन्हा एकदा ऐरणीवर येण्याची शक्यता आहे.

मिळालेल्या माहितीनुसार, नाशिकहून नागपुरच्या दिशेने केमिकलची वाहतूक करत असलेल्या भरधाव ट्रकला मध्यरात्री अचानक आग लागली. बुलढाण्याजवळील मेहकर नजीक ही घटना घडली असून आग लागल्याची घटना समजताच चालकाने खाली उडी मारली. त्यामुळं ड्रायव्हरचा जीव वाचला असून ट्रक आगीत जळून भस्मसात झाला आहे. या घटनेत कोणतीही जीवीतहानी झालेली नसली तरी ट्रकमधील संपूर्ण केमिकल जळून खाक झालं आहे. त्यामुळं महामार्गावर ट्रक जळून खाक झाल्याने कॉरिडॉरवरील वाहतूक काही काळ थांबवावं लागलं. अपघाताची माहिती मिळताच स्थानिक नागरिकांनी तातडीने घटनास्थळी धाव घेत बचावकार्य सुरू केलं आहे.

Live News Updates 04 August 2023 : गृहमंत्री अमित शहा रविवारी पुणे दौऱ्यावर

गेल्या काही दिवसांपासून समृद्धी महामार्गावर सातत्याने भीषण अपघात होत असल्याच्या घटना समोर येत आहे. काही दिवसांपूर्वीच बुलढाण्यात खाजगी ट्रॅव्हल्सला भीषण आग लागल्याने २६ प्रवाशांचा मृत्यू झाला होता. त्यानंतर आता पुन्हा ट्रकला भीषण आग लागल्याने समृद्धी महामार्गावर भीषण अपघात झाला आहे. त्यामुळं आता समृद्धी महामार्गावरील अपघातांचा मुद्दा पुन्हा एकदा ऐरणीवर येण्याची शक्यता आहे. ट्रक अपघाताच्या घटनेनंतर समृद्धी महामार्गावर काही वेळ वाहतूक खोळंबली होती. त्यानंतर आता वाहतूक सुरळीत करण्यात आली आहे.

Aditya Thackeray : “..हा तर खोके सरकारच्या नाकर्तेपणाचा ढळढळीत पुरावा..!” श्वेतपत्रिकेवर आदित्य ठाकरेंचा संताप