Kopargaon Murder: कोपरगाव हादरले! प्रेमप्रकरणाची माहिती घरी दिल्यानं लहान बहिणीचा खून

अहमदनगर : अहमदनगर जिल्ह्यातील कोपरगाव एका घटनेने हादरले आहे. छोट्या बहिणीने प्रेम प्रकरणाची माहिती घरच्यांना सांगितल्याने मोठ्या बहिणीने तिच्या प्रियकराच्या मदतीने खून केला. एवढेच नाही तर खून लपवण्यासाठी तिला फासावर लटकवले. या प्रकरणी आरोपी बहिणीला आणि तिच्या प्रियकराला अटक करण्यात आली आहे. ही घटना कोपरगाव येथील कोकमठाण शिवारात घडली.

हर्षदा बनकर असं हत्या झालेल्या तरुणीचं नाव आहे. तर सृष्टी बनकर असे आरोपी बहिणीचे नाव आहे. सृष्टी आणि तिच्या प्रियकराला पोलिसांनी अटक केली आहे. या घटनेचे सविस्तर वृत असे की, कोकमठाण शिवारात काही दिवसांपूर्वी हर्षदा हीचा मृतदेह झाडाला लटकवलेल्या स्थितीत आढळला होता. हर्षदा हिने आत्महत्या केल्याचे प्रारंभी दिसून येत होते. मात्र, प्राथमिक तपासात हा आत्महत्या नसून खून असल्याचे निष्पन्न झाले होते. पोलिसांनी तपास केला असता हा खून तीच्या मोठ्या बहिणीने केल्या असल्याचे पुढे आले. दरम्यान प्रेमप्रकरणाची माहिती तिने घरच्यांना दिल्याने हा खून केल्याचे कळत आहे.

सृष्टी हिचे बाहेर प्रेम प्रकरण सुरू होते. याची घरच्यांना माहिती नव्हती. त्यांच्या प्रेमप्रकरणाची कुणकुण हर्षदा हिला लागली तिने सृष्टीच्या प्रेमप्रकरणाची माहिती घरच्यांना दिली. सृष्टीचे प्रेमप्रकरण घरच्यांना मान्य नव्हते. यामुळे घरात वाद झाले. दरम्यान, आपले प्रेमप्रकरण हे लहान बहिनीमुळे उघड पडले याची माहिती सृष्टीला मिळाली. तिने रागाच्या भरात बहिणीचा खून करण्याचे ठरवले. यासाठी तिने तिच्या प्रियकराची मदत घेतली . हर्षदा हिला एका निर्जन स्थळी नेऊन तिचा गळा दाबून हत्या करण्यात आली. यानंतर आत्महतेचा बनाव करण्यासाठी तिचा मृतदेह झाडाला लटकवला.

हर्षदाचा मृतदेह आढळल्यावर खळबळ उडाली होती. दरम्यान, तपासात हा खून असल्याचे निष्पन्न झाल्याने पोलिसांनी त्या दृष्टीने तपास केला. त्यानुसार सृष्टीने हा खून केल्याचे उघड झाले. तिची कसून चौकशी केल्यावर तिने खून केल्याची कबुली दिली आणि हे कृत्य का केले हे देखील सांगितले.