Kishtwar Accident : जम्मूच्या किश्तवाडमध्ये मजुरांना घेऊन जाणाऱ्या वाहनाचा भीषण अपघात; ७ ठार

जम्मू काश्मीर : जम्मू काश्मीर येथे किश्तवाडमध्ये धरणाच्या कामासाठी जात असलेल्या मंजुरांच्या गाडीचा आज सकाळी भीषण अपघात झाला. या अपघातात ७ मजुर ठार झाले आहेत. तर तीन मजूर गंभीर जखमी झाले आहेत. त्यांना उपचारांसाठी रुग्णालयात दाखल करण्यात आले आहे.

Dr Kashmira Sankhe : यूपीएससीत टॉपर ठरलेल्या ठाण्याच्या लेकीची मुख्यमंत्र्यांनी थोपटली पाठ

या घटनेची माहिती अशी की, आज सकाळी एक क्रूझर गाडी काही मजुरांना घेऊन जात होती. येथील डांगदुरु पॉवर प्रोजेक्टजवळ धरणाचे काम सुरू असून या ठिकाणी ही घटना घडली. ही गाडी या प्रकल्पाकडे जात असतांना गडीवरील चालकाचे नियंत्रण सुटल्याने ही गाडी पलटली. यात ७ जणांचा मृत्यू झाला.

Pune Congress leader : पुण्यात काँग्रेस पदाधिकाऱ्याने उचलले टोकाचे पाऊल; पतसंस्थेच्या कार्यालयात संपवलं आयुष्य

हा अपघात एवढा भीषण होता की क्रूझर गाडीचा चक्काचूर झाला. दरम्यान, तीन जखमी मजुरांना रुग्णालयात दाखल करण्यात आले आहे. पोलिस घटनास्थळी पोहचले असून बचावकार्य सुरु करण्यात आले आहे.

केंद्रीय मंत्री जितेंद्र सिंह यांनीही ट्वीट करुन या अपघाताची माहिती दिली आहे. दरम्यान, या घटनेवर लक्ष असून सर्व ती मदत पुरवली जात असल्याचे सिंह यांनी एएनआयशी बोलतांना सांगितले. ते म्हणाले, डंगदुरू प्रकल्पाच्या ठिकाणी झालेल्या दुर्दैवी रस्ता अपघाताबाबत किश्तवाडचे डीसी डॉ. देवांश यादव यांच्याशी चर्चा करुन माहिती घेतली. असून या घटनेत ७ जणांचा मृत्यू झाला, तर १ जण गंभीर जखमी आहे. अपघातातील सर्व जखमींना जिल्हा रुग्णालयात किश्तवाड किंवा जीएमसी, डोडा इथे हलवण्यात येत आहे.