Fire Incident In Aurangabad : वैजापूरमध्ये दुचाकीच्या शोरूमला भीषण आग; मदत व बचावकार्य सुरू

Fire In Bike Shop In Vaijapur Aurangabad : औरंगाबाद जिल्ह्यातील वैजापूर शहरातील एका दुचाकीच्या शोरूमला भीषण आग लागल्याची घटना समोर येत आहे. या घटनेमुळं तालुक्यात खळबळ उडाली असून परिसरातील नागरिकांनी मदतीसाठी घटनास्थळी धाव घेतली आहे. याशिवाय अग्निशमन दलालाही या घटनेबाबत कळवण्यात आलं आहे. पोलीस आणि स्थानिक नागरिकांच्या मदतीनं आग विझवण्याचे प्रयत्न सुरू आहेत. या आगीच्या घटनेत कोणतीही जीवीतहानी झालेली नाही, मात्र कोट्यवधींची संपत्ती जळून खाक झाली आहे.

मिळालेल्या माहितीनुसार, वैजापूर शहरातील एका दुचाकीच्या शोरूमला सकाळी आग लागल्याचं लक्षात येताच नागरिकांनी आरडाओरड सुरू केली. त्यानंतर मोठ्या संख्येनं शहरातील नागरिकांनी घटनास्थळी धाव घेत आग विझवण्यासाठी शर्थीचे प्रयत्न सुरू केले. याशिवाय आगीवर नियंत्रण मिळवण्यासाठी अग्निशमन दलाचीही मदत घेण्यात येणार आहे.

Nagpur Crime : लग्नाला नकार दिल्यानं प्रेयसीचं दुकान आणि वाहन जाळलं; थरारक घटनेनंतर आरोपीला अटक

नव्याकोऱ्या दुचाकी आगीत जळून खाक...

काही दिवसांपूर्वी दिवाळीच्या निमित्तानं शोरूममध्ये शेकडो नव्या दुचाकी आणण्यात आल्या होत्या. या सर्व दुचाकी शोरूममधील गोडाऊनमध्ये ठेवण्यात आल्या होत्या, परंतु संपूर्ण शोरूमला आग लागल्यानं अनेक नव्याकोऱ्या दुचाकी जळून खाक झाल्या आहेत. त्यात अनेक महागड्या दुचाकी असल्याची माहिती आहे. या घटनेची माहिती मिळताच वैजापूर पोलीस तात्काळ घटनास्थळी दाखल झाले असून आगीवर नियंत्रण मिळवण्याचे प्रयत्न सुरू आहेत.

Earthquake in Palghar : पालघरमध्ये पहाटे भूकंपाचे धक्के; नागरिकांमध्ये भीतीचं वातावरण