Mumbai Film City Fire : मुंबईत गोरेगाव येथील फिल्मसिटीत मोठी आग, टीव्ही मालिकेचा सेट जळून खाक

Mumbai Film City Fire News : मुंबईतील गोरेगाव येथील चित्रनगरीमध्ये मोठी आग लागल्यामुळं खळबळ उडाली आहे. एका टीव्ही मालिकेच्या सेटला ही आग लागली असून आगीत मालिकेचा संपूर्ण सेट जळून खाक झाला आहे. 

'गुम है किसी के प्यार में' (Ghum Hai Kisikey Pyaar Meiin) या हिंदी मालिकेच्या सेटवर सायंकाळी साडेचारच्या सुमारास आग लागली. सुमारे २ हजार चौरस फुटावर पसरलेल्या एका स्टुडिओमध्ये ही आग भडकली. ही आग तळमजल्यापुरतीच मर्यादित असल्याचं सांगितलं जात असलं तरी आगीच्या ज्वाळा पाहता प्रकरण गंभीर असल्याचं दिसत आहे. आजूबाजूच्या सेट्सनाही या आगीची झळ बसली आहे. 'तेरी मेरी दूरियाँ' आणि 'अजुनी' या मालिकेच्या सेट्सना आगीचा फटका बसला आहे. आगीमुळं फिल्मसिटीत एकच घबराट उडाली होती. कर्मचारी व कलाकारांची अक्षरश: पळापळ झाली. आगीचे व्हिडिओ सोशल मीडियात व्हायरल होत आहेत.

Pune : महिलेचे हातपाय बांधून मासिक पाळीच्या रक्ताची विक्री; पुण्यातील अघोरी प्रकारानं राज्यात खळबळ

ही आग नेमकी कशामुळं लागली हे कळू शकलेलं नाही. सुदैवानं आगीत कुणीही जखमी झाल्याची माहिती नाही. मात्र, मोठं आर्थिक नुकसान झालं आहे. दुर्घटनेची माहिती मिळताच अग्निशमन दलाच्या गाड्या घटनास्थळी पोहोचल्या आहेत. आग आटोक्यात आणण्याचे प्रयत्न सुरू आहेत. अग्निशमन जवानांनी दुर्घटनास्थळी अडकलेल्या अनेक लोकांना सुखरूप बाहेर काढलं आहे. मात्र, तिथं आणखीही काही लोक अडकले असावेत, अशी भीती व्यक्त होत आहे.

Weather Updates : महाराष्ट्रात पुन्हा अवकाळी पावसाची शक्यता; हवामान खात्यानं वर्तवला अंदाज