Bhiwandi Fire : भिवंडीत अग्नितांडव ! केमिकलच्या ड्रमने भरलेल्या ट्रकला भीषण आग, लाखोंचे नुकसान

भिवंडी : भिवंडीत मध्यरात्री एका केमिकलच्या ड्रमने भरलेल्या ट्रकला अचानक मोठी आग लागली. ही आग एवढी भयंकर होती की, आगीवर नियंत्रण मिळवण्यासाठी तब्बल ५ तास लागले. मिळालेल्या माहितीनुसार या ट्रकमधील एका ट्रकच्या ड्रममध्ये अचानक स्फोट झाला. अन काहणी क्षणात ट्रकने पेट घेतला. सुदैवाने ही बाब चालकाच्या लक्षात आल्याने त्यांनी प्रसंगावधान राखून ट्रकमाडून उडी मारल्याने मोठा अनर्थ टळला. दरम्यान, केमिकल ट्रक असल्यामुळे गावात दहशतीचे वातावरण होते.

Pune : पुणे पोलिसांची मोठी कारवाई! २१ लाख किंमतीचे १७ पिस्तुल आणि १३ काडतुसे जप्त

हा ट्रक भिवंडी येथील दापोडे गावातून जात होता. यावेळी ट्रकमध्ये असलेल्या केमिकलच्या ड्रममध्ये अचानक मोठा स्फोट झाला. पाहता पाहता ट्रकने पेट घेतला. ट्रकमध्ये असलेल्या केमिकलमुळे काही वेळातच आगीने उग्र रूप धारण केले. दरम्यान, स्फोटामुळे पेटलेले काही ड्रम हे चायनीजच्या दुकानात पडले. यामुळे या दुकानाचे मोठे नुकसान झाले. आग लागल्यामुळं ट्रकमध्ये केमिकल ड्रमच्या स्फोट होत होते. स्फोटामुळं हे ड्रम हवेत उडून परिसरात कोसळत होते. या मुळे परिसरात दहशतीचे वातावरण होते.

Fire Incident : पैठणच्या बिडकीनमध्ये गोडाऊनला भीषण आग, मदत व बचावकार्य जारी

या घटनेची माहिती मिळताच नारपोली पोलीस तातडीने घटनास्थळी दाखल झाले. त्यांनी तत्काळ अग्निशमन दलाला पाचारण केले. भिवंडी अग्निशमन दलाच्या दोन गाड्या घटनास्थळी दाखल होत त्यांनी आग विझवण्याच्या कामाला सुरुवात केली. दरम्यान, आग मोठी असल्याने तिच्यावर नियंत्रण मिळवण्यात अडचणी येत होत्या. तब्बल पाच तासांच्या अथक प्रयत्नानंतर आगीवर नियंत्रण मिळवण्यात अग्निशामक दलाच्या जवानांना यश आलं आहे. दरम्यान, आग कशामुळे लागली ही अद्याप समजू शकले नाही.