Palak Dal Khichdi Recipe: थंडीत बनवा गरमागरम पौष्टिक पालक डाळ खिचडी; फॉलो करा रेसिपी
Dec 05, 2022, 04:47 PM IST
- Khichdi Recipe: पालक डाळ खिचडी बनवायला खूप सोपी आहे आणि तयार व्हायला जास्त वेळ लागत नाही.
Khichdi Recipe: पालक डाळ खिचडी बनवायला खूप सोपी आहे आणि तयार व्हायला जास्त वेळ लागत नाही.
- Khichdi Recipe: पालक डाळ खिचडी बनवायला खूप सोपी आहे आणि तयार व्हायला जास्त वेळ लागत नाही.
Easy Dinner Recipe: रात्रीच्या जेवणासाठी हलक्याफुलक्या डिशचा विचार केला की खिचडी हे पहिले नाव डोळ्यासमोर येते. खिचडी आणखी पौष्टिक बनवण्यासाठी पालक डाळ खिचडी बनवता येते. पालक आणि मूग डाळ यापासून बनवलेली खिचडी खायला चविष्ट तर असतेच पण ती खूप आरोग्यदायीही असते. रात्रीच्या जेवणासाठी तुम्ही पालक डाळ खिचडी कधीही खाऊ शकता. हिवाळ्यामध्ये जड पदार्थ अनेकदा खाल्ले जातात, त्यामुळे जेव्हा तुम्हाला काही हलके खावेसे वाटते तेव्हा पालक डाळ खिचडी हा एक उत्तम पर्याय असू शकतो.
पालक डाळ खिचडी बनवायला खूप सोपी आहे आणि तयार व्हायला जास्त वेळ लागत नाही. पालक डाळ खिचडी हा मुलांसाठीही पोषक आहार आहे. चला जाणून घेऊया पालक दाल खिचडी बनवण्याची सोपी पद्धत.
पालक डाळ खिचडी बनवण्यासाठी साहित्य
तांदूळ - १/२ कप
मूग डाळ - ३/४ कप
पालक - १ कप
टोमॅटो - १
आले-लसूण पेस्ट - १/२ टीस्पून
चिरलेला कांदा - १/२
हिरवी मिरची - १
सुकी लाल मिरची - १
तमालपत्र - १
जिरे - १ टीस्पून
दालचिनी - १ इंच तुकडा
हळद - १/४ टीस्पून
देशी तूप - १ टेस्पून
मीठ - चवीनुसार
पालक डाळ खिचडी कशी बनवायची?
१) दुपारच्या किंवा रात्रीच्या जेवणासाठी पालक डाळ खिचडी बनवायची असल्यास प्रथम तांदूळ आणि मूग डाळ स्वच्छ करून दोन ते तीन वेळा पाण्याने धुवा.
२) यानंतर टोमॅटो, कांदे, पालक आणि हिरवी मिरची बारीक चिरून घ्या.
३) आता कुकरमध्ये तांदूळ आणि मूग डाळ घाला आणि ३-४ कप पाणी घाला. यानंतर हळद आणि चिमूटभर मीठ घालून ४-५ शिट्ट्या येईपर्यंत शिजवा. गॅस बंद करा आणि कुकर तसाच ठेवा.
४) आता एका कढईत देशी तूप टाका आणि मध्यम आचेवर गरम करा. तूप वितळल्यावर त्यात जिरे, तमालपत्र, सुकी लाल मिरची आणि दालचिनी घालून काही सेकंद परतून घ्या.
५) यानंतर बारीक चिरलेला कांदा टाकून तोही परता. कांद्याचा रंग हलका तपकिरी होईपर्यंत परता.
६) यानंतर आले-लसूण पेस्ट आणि बारीक चिरलेला टोमॅटो घालून शिजवा. हे मिश्रण टोमॅटो मऊ होईपर्यंत शिजवा.
७) दरम्यान पालक मिक्सरमध्ये बारीक करून त्याची प्युरी तयार करा आणि एका भांड्यात काढा. तयार केलेली प्युरी कांदा-टोमॅटो मसाल्यात घालून पालकाचा रंग बदलेपर्यंत शिजवा.
८) आता प्रेशर कुकर उघडा आणि शिजवलेले मसूर आणि तांदूळ बाहेर काढा आणि कढईमध्ये ठेवा.
९) यासोबतच १ कप पाणी आणि थोडे मीठ घालून ३-४ मिनिटे शिजू द्या.
१०) खिचडी आणि पालक चांगले एकजीव झाले की गॅस बंद करा. लंच किंवा डिनरसाठी चविष्ट पालक डाळ खिचडी तयार आहे.