Hair Oil: हिवाळ्यात हेअर केअरसाठी बनवा हे तेल, केसांच्या अनेक समस्यांची होईल सुट्टी

Homemade Hair Oil: हिवाळ्यात डँड्रफ आणि हेअर फॉलचा बहुतेकांना त्रास होतो. या सर्व समस्यांपासून सुटका मिळवण्यासाठी अनेकदा केसांना तेल लावण्याचा सल्ला दिला जातो. पण केसांना कोणते तेल लावायचे हा प्रश्न नेहमीच पडतो. जर तुम्ही सुद्धा याबाबत कंफ्यूज असाल तर घरी एक उत्तम तेल बनवून ठेवू शकता. हे तेल तुमच्या केसांच्या अनेक समस्या दूर करू शकते. ते कसे बनवायचे ते पहा

घरी हेअर ऑइल बनवण्यासाठी साहित्य

खोबरेल तेल - १ लीटर

कढीपत्ता - २५ ते ३०

मेथी दाणे - १ टीस्पून

जास्वंदाची फुले - १५ ते २०

कडुलिंबाची पाने - २५ ते ३०

कांदे - ३ मध्यम आकाराचे

कोरफडीचे पान - १ मध्यम आकाराचे

चमेलीची फुले - १५ ते २०

Hair Oil: आयुर्वेदानुसार काय आहे केसांना तेल लावण्याची योग्य पद्धत, डँड्रफसह हेअर फॉल होईल दूर

कसे बनवावे हेअर ऑइल

हे तेल बनवण्यासाठी प्रथम मेथी दाणे अर्धा तास पाण्यात भिजत ठेवा आणि तोपर्यंत कोरफडीचे छोटे तुकडे करा. मेथी दाणे चांगले भिजल्यावर सर्वगोष्टी एकत्र बारीक करा. आता शुद्ध खोबरेल तेल गरम करून त्यात ही पेस्ट घाला. रंग बदलेपर्यंत सुमारे ४५मिनिटे कमी गॅसवर गरम करा. नंतर थंड होऊ द्या आणि गाळून काचेच्या बाटलीत ठेवा.

(Disclaimer : या लेखात देण्यात आलेली माहिती ही सर्वसामान्य ज्ञानावर आधारित असून 'हिंदुस्तान टाइम्स मराठी याची पुष्टी करत नाही. अवलंब करण्यापूर्वी तज्ज्ञांचा सल्ला घ्यावा.)