Shardiya Navratri : नवरात्रीत शुक्ल आणि ब्रम्ह योगाचं महत्व काय?, वाचा सविस्तर

२६ सप्टेंबर २०२२ सोमवारपासून शारदीय नवरात्रीला सुरुवात होत आहे. नवरात्रीचा पहिला दिवस शुक्ल आणि ब्रह्मयोगाच्या संयोगामुळे खूप खास मानला जातो. यंदा नवरात्रीमध्ये दुर्गा माता हत्तीवरून पृथ्वीवर पोहोचणार आहे.

काय आहे शुक्ल आणि ब्रह्मयोगाचे महत्त्व

शारदीय नवरात्रीच्या पहिल्या दिवशी सकाळी ८ वाजून ६ मिनिटांपर्यंत पर्यंत शुक्ल योग राहील. यानंतर ब्रह्मयोग सुरू होईल. शास्त्रानुसार शुक्ल आणि ब्रह्मयोगात केलेले कार्य अत्यंत शुभ मानले जाते.

घटस्थापनेसाठी शुभ मुहूर्त कोणते आहेत

सोमवार, २६ सप्टेंबर २०२२ रोजी अश्विन घटस्थापना केली जाईल. घटस्थापना मुहूर्त सकाळी ६ वाजून ११ मिनिटं ते ७ वाजून ५१ मिनिटांपर्यंत असेल. त्याचा कालावधी १ तास ४० मिनिटे असेल. घटस्थापना अभिजित मुहूर्त सकाळी ११ वाजून ४८ मिनिटं ते दुपारी १२ वाजून ३६ मिनिटांपर्यंत असेल. हा कालावधी -४८ मिनिटांपर्यंत.

नवरात्रीच्या पहिल्या दिवशी घडत आहेत हे शुभ संयोग

ब्रह्म मुहूर्त - पहाटे ४ वाजून ३६ मिनिटं ते पहाटे ५ वाजून २३ मिनिटं

अभिजित मुहूर्त - सकाळी ११ वाजून ४८ मिनिटं ते दुपारी १२ वाजून ३६ मिनिटांपर्यंत.

विजय मुहूर्त- दुपारी २ वाजून १३ मिनिटं ते दुपारी ३ वाजून १ मिनिटांपर्यंत.

संधिप्रकाश मुहूर्त - संध्याकाळी ६ वाजून १ मिनिटं ते ६ वाजून २५ मिनिटं

अमृत ​​काल पहाटे १२ वाजून ११ मिनिटं ते २७ सप्टेंबर ते १ वाजून ४९ मिनिटं

या मुहूर्तांमध्ये कलश स्थापना करू नका

राहुकाल- सकाळी ७ वाजून ४१ मिनिटं ते ९ वाजून १२ मिनिटं

यमगुंड-सकाळी १० वाजून ४२ मिनिटं ते १२ वाजून १२ मिनिटं

दुर्मुहूर्त - दुपारी १२ वाजून ३६ मिनिटं ते दुपारी १ वाजून २४ मिनिटांपर्यंत

गुलिक काल- दुपारी १ वाजून ४२ मिनिटं ते दुपारी ३ वाजून १३ मिनिटांपर्यंत.

निषिद्ध - दुपारी २ वाजून २७ मिनिटं ते ४ वाजून ४ मिनिटं